ធនាគារអេស៊ីលីដា ផ្តល់ការបញ្ចុះតម្លៃ៣០%ដល់អតិថិជន តាមរយៈការទិញទំនិញនៅផ្សារទំនើបអ៊ីអន
ធនាគារអេស៊ីលីដា ដែលជាធនាគារឈានមុខគេមួយនៅកម្ពុជា បានបន្ថែមនូវអត្ថប្រយោជន៍ដ៏អស្ចារ្យដល់អតិថិជនដែលទៅទិញទំនិញ នៅផ្សារទំនើបដ៏ធំជាងគេរបស់ជប៉ុន គឺ ផ្សារទំនើបអ៊ីអនទាំង២សាខា នឹងទទួលបានការបញ្ចុះតម្លៃដល់ទៅ ៣០% តាមរយៈការស្កេន QR កូដ របស់អេស៊ីលីដាទាន់ចិត្ត ចាប់ពីថ្ងៃទី២៧ ដល់២៩ ខែវិច្ឆកា ឆ្នាំ២០២០ ដែលនេះជាគោលដៅដ៏សំខាន់របស់ ធនាគារអេស៊ីលីដា ក្នុងការជំរុញឲ្យការទូទាត់ប្រាក់តាមបែបឌីជីថល កាន់តែពេញនិយមជាជាងការទូទាត់សាច់ប្រាក់។
មិនត្រឹមតែ ការជំរុញឲ្យការទូទាត់ប្រាក់តាមបែបឌីជីថល របស់ធនាគារអេស៊ីលីដាប៉ុណ្ណោះទេ ប៉ុន្ដែការរៀបចំឲ្យមានការបញ្ចុះតម្លៃនេះឡើង ក៏មានគោលបំណងកាត់បន្ថយការរីករាលដាលនៃការចម្លងមេរោគកូវីដ-១៩ តាមរយៈការកាន់សាច់ប្រាក់ពីដៃមួយទៅដៃមួយ ទោះបីជាស្ថានភាពនៃរីករាលដាលជំងឺកូវីដ-១៩បានធូរស្បើយបន្តិចក្តី។
អត្ថបទទាក់ទង!
សូមជម្រាបថា App ទាន់ចិត្ត មានអតិថិជនជិត ២លានអ្នកហើយដែលកំពុងប្រើប្រាស់ ដែលមានមុខងារប្រើប្រាស់សំខាន់ៗដូចជា ការទូទាត់វិក័យបត្រជាច្រើនប្រភេទរួមមាន ទឹក ភ្លើង សំរាម សាលារៀនការបញ្ជូលលុយទូរស័ព្ទដៃ ការផ្ទេរប្រាក់ទាំងក្នុងនិងក្រៅប្រទេស និងផ្ទេរទៅកាន់ស្ថាប័នធនាគារមួយចំនួន ការទូទាត់ថ្លៃទំនិញតាមរយៈការស្កេន QR កូដ ក៏ដូចជាការធ្វើប្រតិបត្តិការផ្សេងៗជាច្រើនទៀតផងដែរ។ បច្ចុប្បន្នធនាគារ អេស៊ីលីដា កំពុងធ្វើឲ្យកាន់តែទាន់សម័យនូវមុខងារបន្ថែមទៀត ដើម្បីបំពេញតម្រូវការអតិថិជនឲ្យកាន់តែសម្បូរបែបក្នុងការប្រើប្រាស់សេវាកម្មជាច្រើន។
យោងតាមរបាយកាណ៍ពីធនាគារអេស៊ីលីដា ដែលបានផ្តល់ឲ្យសារព័ត៌មានខេមបូណូមីសបានឲ្យដឹងថា គិតត្រឹមថ្ងៃទី១៦ ខែវិឆ្ឆិកា ឆ្នាំ២០២០ សម្រាប់ការប្រើប្រាស់សេវាអេស៊ីលីដាទាន់ចិត្ត មានសរុបទាំងអស់ជាង ១លាន៦សែននាក់ ហើយមានហាងជាដៃគូទាន់ចិត្តចំនួនជិត៥ម៉ឺនហាង។ ក្នុងនោះដែរ ម៉ាស៊ីន ATM របស់ធនាគារ អេស៊ីលីដា សរុបទាំងអស់មានចំនួន ៧១១ គ្រឿង ខណៈដែលម៉ាស៊ីនឆូតកាត POS របស់ធនាគារ អេស៊ីលីដា សរុបទាំងអស់ ៤.២៧៥ គ្រឿងកំពុងប្រើប្រាស់នៅទូទាំងប្រទេស៕
None
