លោក យីវ ផាន់ណា នាយកប្រតិបត្តិក្រុមហ៊ុន YADEA Cambodia មានប្រសាសន៍ថា ដោយមានឆន្ទៈចូលរួមជាមួយបេសកកម្មរបស់រាជរដ្ឋាភិបាលក្នុងការកាត់បន្ថយភាពក្រីក្ររបស់ប្រជាពលរដ្ឋ ក៏ដូចជាចូលរួមក្នុងការការពារបរិស្ថាន ក្រុមហ៊ុន ហុង ហ៊ា ថេកណូឡូជី បាននាំចូលកង់ និងម៉ូតូអគ្គិសនី ដែលមានគុណភាពខ្ពស់លំដាប់ពិភពលោក មកលក់ជូនប្រជាពលរដ្ឋកម្ពុជាសម្រាប់ជាមធ្យាបាយធ្វើដំណើរជាប្រចាំថ្ងៃ ដោយចំណាយតិចបំផុតបើធៀបនឹងម៉ូតូសាំង។ ប៉ុន្ដែ នៅប៉ុន្មានឆ្នាំចុងក្រោយនេះ កំណើននៃការប្រើប្រាស់យានយន្ដដែលមិនមានផ្សែងនេះ កំពុងមានការកើនឡើងខ្លាំងគួរឲ្យកត់សម្គាល់។
លោក យីវ ផាន់ណា បានគូសបញ្ជាក់បន្ថែមថា ការបើកលក់នៅពេលនេះ ក្នុងគោលបំណងបញ្ជ្រាបការយល់ដឹងដល់អ្នកប្រើប្រាស់អំពីលក្ខណៈពិសេស និងអត្ថប្រយោជន៍របស់កង់ និងម៉ូតូអគ្គិសនី ដើម្បីជំរុញការប្រើប្រាស់យានយន្តអគ្គិសនីឱ្យកាន់តែទូលំទូលាយនៅកម្ពុជា។
លើសពីនេះ កង់ និងម៉ូតូអគ្គិសនី មានភាពសំខាន់ក្នុងការប្រើប្រាស់ថាមពលស្អាត និងកាត់បន្ថយការបំពុលបរិស្ថានផងដែរ។ យ៉ាងណាមិញ លោក យីវ ផាន់ណា បានបង្ហាញនូវជំនឿចិត្តយ៉ាងមុតមាំក្នុងការផ្ដល់នូវផលិតផល និងសេវាកម្មល្អទៅកាន់អតិថិជន ដែលជ្រើសរើសកង់ និងម៉ូតូអគ្គិសនី យ៉ាឌា យកទៅប្រើប្រាស់ ដោយ លោក យីវ ផាន់ណា សង្ឃឹមថា ប្រភេទកង់ និងម៉ូតូអគ្គិសនី យ៉ាឌា នឹងលក់ដាច់ខ្លាំងជាងគេនៅលើទីផ្សារតាមរយៈគុណភាព និងសេវាកម្ម ជាពិសេសក្រុមហ៊ុនយ៉ាឌា ក៏មានសេវាកម្មជួសជុល និងមានគ្រឿងបន្លាស់គ្រប់គ្រាន់ដើម្បីបំពេញតម្រូវការរបស់អ្នកប្រើប្រាស់ផងដែរ។
លោក យីវ ផាន់ណា បានបន្ថែមទៀតថា លោកពិតជាមានមោទនភាពដែលបានាំយកកង់ និងម៉ូតូអគ្គិសនីដែលមានគុណភាពខ្ពស់ និងជាម៉ាកយីហោដ៏ធំមកលក់ជូនប្រជាពលរដ្ឋប្រើប្រាស់សម្រាប់ជាមធ្យាបាយ ធ្វើដំណើរប្រចាំថ្ងៃ និង ប្រកបអាជីវកម្ម។ សូមបញ្ជាក់ថា ក្រុមហ៊ុន យ៉ាឌា ត្រូវបានបង្កើតឡើងជាង ២២ឆ្នាំមកហើយ ដោយមានរោងចក្រផលិតកង់ និងម៉ូតូអគ្គិសនីផ្ទាល់ខ្លួនធំៗ ចំនួន៨ ព្រមទាំងចរាចរជាង ១០០ ប្រទេស និងមានអ្នកប្រើប្រាស់ជាង ៧០លាននាក់ នៅទូទាំងពិភពលោក៕
