អាជ្ញាធរជាតិអប្សរាថ្កោលទោស និងកំពុងស្វែងរកអ្នកបង្កើតរូបភាព«នារីម្នាក់ជាន់ព្រះកេសព្រះនៅមុខប្រាសាទអង្គរវត្ត»

អាជ្ញាធរជាតិអប្សរា បានចេញមកច្រានចោលចំពោះរូបប្រឌិតមួយនេះ និងបានចាត់ទុកការផ្សព្វផ្សាយនេះ គឺការញុះញង់ឱ្យមានការរើសអើងពូជសាសន៍ និងបម្រើផលប្រយោជន៍នយោបាយដ៏អាក្រក់របស់ខ្លួន ដែលបានបង្កផលប៉ះពាល់ដល់វប្បធម៌ជាតិ ក៏ដូចជាទំនាក់ទំនងល្អជាមួយប្រទេសជិតខាងរបស់កម្ពុជា។

ជាមួយគ្នានេះអាជ្ញាធរជាតិអប្សរា បានអំពាវនាវដល់សាធារណជនទាំងអស់កុំចែករំលែកបន្តនូវរូបភាពកាត់តខាងលើ ដែលមានចរិកលក្ខណៈអុជអាល និងជាន់ពន្លិចជាតិខ្លួនឯង។ ទន្ទឹមនឹងនេះ អាជ្ញាធរជាតិអប្សរាប្តេជ្ញានឹងសហការជាមួយសមត្ថកិច្ចពាក់ព័ន្ធ ដើម្បីស្រាវជ្រាវស្វែងរកមុខអ្នកបង្កើតរូបភាពខាងលើឱ្យមកទទួលខុសត្រូវចំពោះមុខច្បាប់៕

អត្ថបទ៖ បូ ដូឡា​