វិស័យឯកជន ស្នើឲ្យការអភិវឌ្ឍគម្រោងមជ្ឈមណ្ឌលភ័ស្តុភារកម្មភ្នំពេញ សម្រេចទៅឲ្យបានលឿន
អ្នកជំនាញនៅក្នុងវិស័យដឹកជញ្ជូននៅកម្ពុជា បង្ហាញពីការគាំទ្រចំពោះការសម្រេចរបស់រាជរដ្ឋាភិបាល លើគំនិតផ្តួចផ្តើមបង្កើតមជ្ឈមណ្ឌលភ័ស្តុភារកម្មភ្នំពេ…
ក្រសួង និងស្ថាប័នរដ្ឋយ៉ាងហោច ៦ ត្រូវបានដាក់បញ្ជូលទៅក្នុងប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន ដែលជាប្រព័ន្ធចុះបញ្ជីថ្មីបំផុត នឹងជួយលើកកម្ពស់ការចុះបញ្ជី និងកាត់បន្ថយអំពើពុករលួយ។
តាមការផ្សព្វផ្សាយ របស់ក្រសួងសេដ្ឋកិច្ច និងហិរញ្ញវត្ថុ បានឲ្យដឹងថា ក្រុមហ៊ុនចំនួន ១.៨៩២ បានចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានដោយជោគជ័យ គិតត្រឹមថ្ងៃទី ២៨ ខែតុលាកន្លងទៅនេះ។
តួលេខដែលបានចុះផ្សាយក៏បានបញ្ជាក់ទៀតថា ក្នុងពេលជាមួយគ្នាមានក្រុមហ៊ុនជាង ៥រយទៀតបាននឹងកំពុងត្រួតពិនិត្យការចុះបញ្ជី ខណៈក្រុមហ៊ុនដែលត្រៀមបម្រុងទុកដោយជោគជ័យមានរហូតដល់ជាង ២.៦០០ក្រុមហ៊ុន និងបានកំពុងពិនិត្យ ១៧៤ ក្រុមហ៊ុន។
សូមជំរាបថា ប្រព័ន្ធចុះបញ្ជីថ្មីនេះ នឹងតម្រូវឲ្យក្រុមហ៊ុនបំពេញទម្រង់ចុះបញ្ជីអាជីវកម្មតែ ១ លើកគត់ ដោយចំណាយពេលយ៉ាងយូរត្រឹម ៨ ថ្ងៃ និងរាល់ទិន្នន័យរបស់ក្រុមហ៊ុនចុះបញ្ជីអាជីវកម្ម នឹងបញ្ជូនដោយស្វ័យប្រវត្តិទៅក្រសួងសេដ្ឋកិច្ច ក្រសួងពាណិជ្ជកម្ម ក្រសួងការងារ ក្រសួងមហាផ្ទៃ ក្រុមប្រឹក្សាអភិវឌ្ឍន៍កម្ពុជា និងអគ្គនាយកដ្ឋានពន្ធដារ ដើម្បីត្រួតពិនិត្យ និងអនុម័ត៕
None
