សេចក្តីជូនដំណឹងរបស់អគ្គនាយដ្ឋានកសិកម្មបានឲ្យដឹងថា បណ្ដាក្រុមហ៊ុនដែលមានបំណង និងកំពុងនាំចេញគ្រាប់ពោតទាំងអស់ត្រូវអនុវត្តតាមលក្ខខណ្ឌថ្មីដែលកំណត់ដោយ ភាគីថៃដូចជា ម្ចាស់អាជីវកម្មទាំងអស់ត្រូវមានលិខិតអនុញ្ញាតនាំចូល ពីនាយកដ្ឋានកសិកម្មថៃជាមុន មុននឹងធ្វើការនាំចេញ។ ជាងនេះទៀត គ្រាប់ពោតត្រូវដឹកជញ្ជូនពីប្រទេសកម្ពុជា ទៅកាន់ប្រទេសថៃ តាមផ្លូវគោក រឺ ផ្លូវសមុទ្រ។ ហើយ គ្រាប់ពោតត្រូវតែធានាថា ស្អាតល្អ និងគ្មានសមាសភាពចង្រៃ គ្មានរោគសញ្ញា និង ភ្នាក់ងារចម្លង ការវេចខ្ចប់គ្រាប់ពោតត្រូវតែស្អាតជានិច្ច និង ជាការវេចខ្ចប់ថ្មី ហើយគ្រាប់ពោតត្រូវធ្ចើធូបនកម្មមុននាំចេញដោយប្រើប្រាស់ថ្នាំ Methly Bromide។
គ្រាប់ពោតត្រូវដឹកជញ្ជូនតាមកុងតេន័រ ឬរថយន្តដឹកទំនិញតូចៗ ត្រូវតែបិតឲ្យជិត ដោយគោរពទៅតាមភូតគាមអនាម័យ ដែលមានវិញ្ញាបនបត្រចេញដោយអគ្គនាយកដ្ឋានកសិកម្ម។
អត្ថបទគួរអាន
ចំពោះទំនិញទៅដល់ច្រកទ្វារព្រំដែន មន្រី្តភូតគ្រាមអនាម័យនៃប្រទេសថៃនឹងធ្វើការត្រួតពិនិត្យ រាល់ទំនិញទាំងនេះ ប្រសិនបើរកឃើញថាទំនិញទាំងនោះ មិនមានអនុលោមតាម លក្ខខណ្ឌតម្រូវនោះ ទំនិញបញ្ញើទាំងនោះនឹងត្រូវបញ្ចូនត្រឡប់មកវិញ ឬកម្ចេចចោល។
ខេមបូណូមីស បានព្យាយាមទាក់ទងទៅឯកឧត្តម ងិន ឆាយ អគ្គនាយកនៃអគ្គនាយកដ្ឋានកសិកម្ម និងលោក កែ មុន្នីវុធ ប្រធាននាយកដ្ឋានការពារដំណាំ អនាម័យ និងភូតគាមអនាម័យដែរ ប៉ុន្ដែ លោកទាំងពីរមិនបានឆ្លើយតបជុំវិញរឿងនេះនេះទេ។
របាយការណ៍ពីក្រសួងកសិកម្មបង្ហាញថា នៅរយៈពេល ៦ខែ ដើមឆ្នាំ២០២១ កម្ពុជានាំចេញគ្រាប់ពោត មានចំនួន ជាង១៤ម៉ឺនតោន កើនឡើងចំនួនជាង ១៧៦% ដោយក្នុងនោះ នាំចេញទៅប្រទេសវៀតណាម និងថៃច្រើនជាងគេ ពោលគឺ នាំចេញវៀតណាមមានជាងជិត១០ម៉ឺនតោន និង នាំទៅថៃមានជាង៤ម៉ឺនតោន៕
អត្ថបទ៖ សុខ សិទ្ធិការ្យ
None
