មន្ត្រីជាន់ខ្ពស់រដ្ឋាភិបាលកម្ពុជាថា ឆ្នាំ២០២១ កម្ពុជាមានឱកាសទីផ្សារធំជាងឆ្នាំមុនៗ

ឯកឧត្តម វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រីនិងជារដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុបានលើកឡើងថា ស្របពេលដែលសេដ្ឋកិច្ចពិភពលោកនៅឆ្នាំ២០២១ ត្រូវបានរំពឹងថានឹងមានការងើបឡើងវិញនោះ សេដ្ឋកិច្ចកម្ពុជាក៏រំពឹងនឹងកើនឡើងដែរ។ ឯកឧត្តម បានគូសបញ្ជាក់ពីកត្តាមួយចំនួនដែលនឹងជួយឲ្យទីផ្សាររបស់កម្ពុជាកាន់តែរីកធំ និងមានភាពប្រកួតប្រជែងខ្ពស់ជាងមុន។ 

សូមបញ្ជាក់ថា ទាក់ទិននឹងកិច្ចព្រមព្រៀងពាណិជ្ជកម្មសេរីនេះដែរ កម្ពុជាបានចុះហត្ថលេខាជាមួយនិងចិនរួចហើយកាលពីឆ្នាំ២០២០ ខណៈដែលការចុះហត្ថលេខា ជាមួយកូរ៉េខាងត្បូងត្រូវបានរំពឹងថានឹងអាចធ្វើឡើងនៅពាក់កណ្ដាលឆ្នាំដំបូងនៃឆ្នាំ២០២១នេះ។ 

ក្រៅពីកិច្ចព្រមព្រៀងពាណិជ្ជកម្មសេរីជាមួយប្រទេសទាំងពីរនេះ កម្ពុជា គម្រោងធ្វើការចរចាកិច្ចព្រមព្រៀងពាណិជ្ជកម្មសេរីជាមួយប្រទេសផ្សេងៗទៀតដូចជា អង់គ្លេស អាមេរិក ជប៉ុន ម៉ុងហ្គោលី ឥណ្ឌា និង សហភាពសេដ្ឋកិច្ចអឺរ៉ុបអាស៊ី (EAEU) ជាដើម៕

សូមរងចាំទស្សនាសេចក្តីរាយការណ៍បន្ថែមនៅព្រឹកស្អែក!