តាមប្រភពព័ត៌មានល្បីៗរបស់ពិភពលោកបានឲ្យដឹងថា ក្រុមហ៊ុនដឹកជញ្ជូនខ្នាតយក្សរបស់ចិន COSCO បានទិញចំណែកភាគហ៊ុនពី កំពង់ផែ Noatum Port Holdings របស់អេស្ប៉ាញ ចំនួន ៥១% ដែលមានការព្រៀមព្រៀងគ្នាតាំងពីខែវិច្ឆិកា ឆ្នាំ២០១៧មកម្លេះ។ បើតាមការរាយការណ៍ ការទិញភាគហ៊ុនកំពង់ផែនេះ មានតម្លៃជាទឹកប្រាក់ ២២៨ លានដុល្លារអាមេរិក។
ការលក់ភាគហ៊ុនកំពង់ផែរបស់អេស្បាញទៅឲ្យចិននេះ ត្រូវបានគេមើលឃើញថា នឹងជួយជំរុញដល់ការដឹកជញ្ជូនរបស់អេស្ប៉ាញ កាន់តែប្រសើរឡើងមួយកម្រិតទៀត ស្របទៅតាមចក្ខុវិស័យគំនិតផ្ដួចផ្ដើមខ្សែក្រវាត់ និងផ្លូវរបស់រដ្ឋាភិបាលចិន។
អត្ថបទទាក់ទង!
ក្នុងនោះដែរ ក្រុមហ៊ុនប្រតិបត្តិករគ្រប់គ្រងកំពង់ផែ Noatum Ports របស់អេស្ប៉ាញ ក៏មានសិទ្ធិគ្រប់គ្រងលើចំណតផែចំនួនពីរទៀតផងដែរ គឺ ចំណត វ៉ាឡង់សៀ និង ប៊ីលបៅ ក៏ដូចជាផែស្ងួតក្នុងទីក្រុង Zaragoza និង Madrid ជាដើម។
ចំណតផែ វ៉ាឡង់សៀ ស្ថិតនៅលើឆ្នេរសមុទ្រភាគខាងកើតរបស់អេស្ប៉ាញ ហើយផែវ៉ាឡង់សៀនេះ គឺជាច្រកសមុទ្រដ៏មមាញឹកបំផុតមួយនៅទ្វីបអឺរ៉ុប ហើយវាក៏ធំជាងគេនៅក្នុងប្រទេសអេស្ប៉ាញ និងនៅក្នុងសមុទ្រមេឌីទែរ៉ាណេផងដែរ។
សូមជម្រាបថា កន្លងទៅថ្មីៗនេះ ក្រុមហ៊ុនធំមួយរបស់ប្រទេសមហាអំណាចពិភពលោកទី២នេះ ក៏បានទិញភាគហ៊ុន ៩០ភាគរយ របស់កំពង់ផែកុងតឺន័រដ៏ធំ របស់ប្រទេសប្រេស៊ីល ដោយមានសម្បទានរយៈពេល ៣០ឆ្នាំ ក្នុងតម្លៃ ជាង ៩០០លានដុល្លារអាមេរិក។
អត្ថបទគួរឲ្យចាប់អារម្មណ៍!
តាមការស្រាវជ្រាវរបស់ស្ថាប័ន Economist Intelligence Unit គិតចាប់ពីពាក់កណ្ដាលឆ្នាំ២០១៦ ដល់ពាក់កណ្ដាលឆ្នាំ២០១៧ មហាយក្សចិន បានចំណាយលុយមិនតិចជាង ២០ពាន់លានដុល្លារអាមេរិកនោះទេ ក្នុងការវិនិយោគទៅក្នុងកំពង់ផែចំនួន៩ នៅក្នុងទឹកដីនៃប្រទេសជាច្រើន នៅទូទាំងពិភពលោក។
តាមការស្រាវជ្រាវដដែលបានឲ្យដឹងទៀតថា គិតត្រឹមខែកញ្ញា ឆ្នាំ ២០១៧ ក្រុមហ៊ុនចិន ដែលបានវិនិយោគ និងមានភាពជាម្ចាស់កម្មសិទ្ធិក្នុងកំពង់ផែសមុទ្រ មាននៅប្រទេសចំនួន ៣៤ ខណៈដែលផែនការវិនិយោគមានចំនួន ១២ នៅក្នុងប្រទេសចំនួន ៨ផ្សេងទៀត៕
None
