រដ្ឋវៀណាម នឹងធ្វើអន្តរាគមន៍ ដើម្បីគ្រប់គ្រងទីផ្សារ ប្រសិនបើតម្លៃអចលនទ្រព្យហក់ឡើងលើស២០%
ប្រសិនបើតម្លៃអចលនទ្រព្យហក់ឡើងលើសពី២០% ក្នុងរយៈពេល៣ខែជាប់ៗគ្នា ក្រសួងពាក់ព័ន្ធនានានៃប្រទេសវៀតណាម ត្រូវស្នើវិធានការអន្តរាគមន៍ដើម្បីគ្រប់គ្រងទ…
សហភាពអឺរ៉ុបកាលពីពេលថ្មីៗបានយកពន្ធបណ្តោះអាសន្នរហូតដល់ជាង៣៧% លើរថយន្តអគ្គិសនី ដែលផលិតនៅប្រទេសចិន ដោយពួកគេអះអាងថា រថយន្តចិនទាំងនេះទទួលបានអត្ថប្រយោជន៍ដោយអយុត្តិធម៌ពីការឧបត្ថម្ភធនរបស់រដ្ឋាភិបាលចិន ប៉ុន្តែចិនបាននិយាយថា ការគាំទ្ររបស់ខ្លួនចំពោះឧស្សាហកម្មរថយន្តអគ្គិសនីនេះ គឺអនុលោមតាមច្បាប់អង្គការពាណិជ្ជកម្មពិភពលោក។
កត្តានេះបានជំរុញឱ្យក្រសួងពាណិជ្ជកម្មចិន កាលពីចុងសប្តាហ៍មុន បានដាក់ពាក្យប្តឹងសហភាពអឺរ៉ុបទៅអង្គការពាណិជ្ជកម្មពិភពលោកជុំវិញបញ្ហានេះ ដើម្បីការពារសិទ្ធិអភិវឌ្ឍន៍ និងផលប្រយោជន៍របស់ឧស្សាហកម្មរថយន្តអគ្គិសនី និងកិច្ចសហប្រតិបត្តិការលើការផ្លាស់ប្តូរបៃតងជាសកល។ ភាគីទាំងពីរមានពេលរហូតដល់ដើមខែវិច្ឆិកា ដើម្បីដោះស្រាយការខ្វែងគំនិតគ្នានេះ មុនពន្ធបណ្តោះអាសន្ននេះត្រូវបានអនុវត្តជាផ្លូវការ។
ទីផ្សារលក់រថយន្តរបស់ចិន នៅក្នុងខែកក្កដា កន្លងទៅ សម្រេចបានជាង២លានគ្រឿង មានការធ្លាក់ចុះ៥% ដែលជាការធ្លាក់ចុះ២ខែជាប់ៗគ្នា ដោយសារការថយចុះតម្រូវការក្នុងស្រុក។ ក្នុងនោះការលក់រថយន្តនៅលើទីផ្សារក្នុងស្រុករបស់ចិន ធ្លាក់ចុះជាង១០% មកនៅត្រឹមជិត១លាន៨សែនគ្រឿង បើធៀបនឹងរយៈពេលដូចគ្នាកាលពីឆ្នាំមុន ដែលការធ្លាក់ចុះនេះមានកម្រិតខ្ពស់ជាងខែមិថុនា ដែលធ្លាក់ចុះជាង៧% ប៉ុណ្ណោះ។
លោក ឈិន ស៊ីហួ (Chen Shihua) អគ្គលេខាធិការរងនៃក្រុមហ៊ុន CAAM បានប្រាប់អ្នកយកព័ត៌មានថា ក្រៅពីពញ្ហាកង្វះទំនុកចិត្តពីអ្នកប្រើប្រាស់ គ្រោះមហន្តរាយធម្មជាតិ ក៏បានជះផលប៉ះពាល់ដល់ការលក់រថយន្តមានការធ្លាក់ចុះនេះផងដែរ៕
អត្ថបទ៖ សុខ មង្គល
None
