លោក ជូ ស៊ីជា ប្រធាននាយកដ្ឋានការងារទូទៅនៃក្រសួងពាណិជ្ជកម្មចិន ឲ្យដឹងថា រយៈពេលជាង ៦ឆ្នាំ ចាប់តំាងពីការបង្កើត គំនិតផ្តួចផ្តើមខ្សែក្រវាត់ និងផ្លូវមកប្រទេសចិន សម្រេចបានទំហំជួញដូរទំនិញជាង ៧,៥ទី្រលានដុល្លារអាមេរិក ជាមួយបណ្តាប្រទេសដែលចូលរួម គំនិតផ្តួចផ្តើមនេះ។
រដ្ឋបាលគយទូទៅនៃប្រទេសចិន បានបង្ហាញនៅក្នុងរបាយការណ៍ឲ្យដឹងថា សម្រាប់រយៈពេល ១១ខែ ឆ្នាំ ២០១៩នេះ ទំហំនៃការនាំចេញ-នាំចូលរវាង ចិន និងបណ្តាប្រទេសក្នុងគំនិតផ្តួចផ្តើមខ្សែក្រវាត់ និងផ្លូវសម្រេចបានប្រមាណ ១,២ទី្រលានដុល្លារអាមេរិក ដែលមានកំណើន ១០% ធៀបនឹងរយៈពេលដូចគ្នាកាលពីឆ្នាំមុន។
អត្ថបទទាក់ទង!
លោក លី គូវ៉េន ប្រធាននាយកដ្ឋានស្ថិតិ និងវិភាគ បានបញ្ជាក់ថា ទំនាក់ទំនងពាណិជ្ជកម្មរវាង ចិន និងបណ្តាប្រទេសក្នុងគំនិតផ្តួចផ្តើមខ្សែក្រវាត់ និងផ្លូវ គឺកាន់តែបើកចំហរ បង្ហាញពីសក្តានុពលដ៏ធំធេង និងក្លាយជាកម្លាំងជំរុញថ្មីមួយ សម្រាប់ការអភិវឌ្ឍពាណិជ្ជកម្មក្រៅប្រទេសរបស់ចិន។
ដោយឡែក ទំហំពាណិជ្ជកម្មសរុបរបស់ ប្រទេសចិន ក្នុងរយៈពេល ១១ខែនេះ សម្រេចបានជាង ៤ទ្រីលានដុល្លារអាមេរិក រក្សាបានកំណើន ៤% ដែលក្នុងនោះ ចិន បានធ្វើការនាំចេញប្រមាណ ២,២ទ្រីលានដុល្លារអាមេរិក។
ក្នុងនោះ សហភាពអឺរ៉ុប អាស៊ាន និងអាមេរិក នៅតែជា ដៃគូពាណិជ្ជកម្មយក្សៗទាំង ៣ របស់ប្រទេសចិន ហើយទំហំពាណិជ្ជកម្មរវាង ចិន និងអាមេរិក សម្រេចបានប្រមាណ ៤៨៣ពាន់លានដុល្លារអាមេរិក ធ្លាក់ចុះប្រមាណ ១១% ដោយសារសង្គ្រាមពាណិជ្ជកម្មរវាងប្រទេសទាំងពីរ នៅមិនទាន់រលត់៕
None
