មន្ត្រីកំពូលៗរបស់ចិន រួមទាំងប្រធានាធិបតីលោក ស៊ី ជីនពីង បានលើកឡើងម្តងហើយម្តងទៀតអំពីសារៈសំខាន់នៃថាមពលធ្យូងថ្មរបស់ប្រទេសចិន ក៏ប៉ុន្តែការលើកឡើងនេះហាក់ផ្ទុយពី ការតាំងចិត្តរបស់ទីក្រុងប៉េកាំងអំពីបញ្ហាអាកាសធាតុ ក្នុងការកាត់បន្ថយការប្រើប្រាស់ធ្យូងថ្ម និងដើម្បីសម្រេចបានក្លាយទៅជាប្រទេសអព្យាក្រឹតកាបូនត្រឹមឆ្នាំ ២០៣០។
យ៉ាងណាមិញ ពន្ធនាំចូលសម្រាប់ធ្យូងថ្មប្រភេទ ដែលត្រូវបានប្រើជាចម្បងក្នុងការផលិតដែក នឹងត្រូវកាត់បន្ថយពី ៣% មកនៅត្រឹមសូន្យ ហើយអត្រាសម្រាប់ប្រភេទធ្យូងថ្មផ្សេងទៀតដែលមានអត្រាពន្ធចន្លោះពី ៣% ទៅ៦% នាពេលបច្ចុប្បន្នក៏ត្រូវទម្លាក់ពន្ធមកនៅកម្រិតសូន្យដូចគ្នា។
ប្រទេសចិនបាននាំចូលធ្យូងថ្មចំនួនជាង ៣២៣ លានតោនក្នុងឆ្នាំ ២០២១ ប្រហែល ៨% នៃការប្រើប្រាស់ធ្យូងថ្មសរុបរបស់ខ្លួន ខណៈតម្លៃធ្យូងថ្មនៅប្រទេសចិន គឺមានតម្លៃប្រហែលជិត ១៨២ ដុល្លារ ក្នុងមួយតោន ក៏ប៉ុន្តែ រដ្ឋាភិបាលបានសន្យាថា តម្លៃនឹងធ្លាក់ចុះមកនៅត្រឹមប្រមាណ ១១៦ដុល្លារអាមេរិកក្នុងមួយតោន។
បើមើលទៅលើតម្លៃទីផ្សារធ្យូងថ្មនៅអូស្ត្រាលីវិញ គឺមានប្រហែល ៣២៦ដុល្លារក្នុងមួយតោន បន្ទាប់ពីបានកើនឡើងខ្ពស់ដល់ទៅ ៤៤០ដុល្លារក្នុងមួយតោនកាលពីដើមខែមីនាកន្លងទៅ។
អត្ថបទគួរអាន
ការដកពន្ធនាំចូលធ្យូងថ្មត្រូវបានគេមើលឃើញថាមានផលប៉ះពាល់តិចតួចលើការទិញធ្យូងថ្មរបស់ប្រទេសចិនក្នុងឆ្នាំ ២០២២ ខណៈដែលតម្លៃដឹកជញ្ជួនឆ្លងសមុទ្របានកើនឡើងដល់កម្រិតខ្ពស់ជាប្រវត្តិសាស្ត្រ។ ពាណិជ្ជករមួយចំនួនបាននិយាយថា ការកាត់បន្ថយពន្ធនេះ គឺអាចផ្តល់ផលប្រយោជន៍ដល់ការនាំចូលរបស់ខ្លួនពីប្រទេសរុស្ស៊ី។
ពាណិជ្ជករធ្យូងថ្ម ដែលមានមូលដ្ឋាននៅទីក្រុងប៉េកាំងបាននិយាយថា ការកាត់បន្ថយពន្ធនឹងធ្វើឲ្យមានភាពខុសប្លែកគ្នាចំពោះការនាំចូលធ្យូងថ្មរបស់ឥណ្ឌូនេស៊ីទេ ដោយសារអត្រាពន្ធមានកម្រិតសូន្យ ហើយក៏មិនមានផលប៉ះពាល់ដល់ធ្យូងថ្មរបស់អូស្ត្រាលី ដោយសារតែការហាមឃាត់ការនាំចូលនោះដែរ"។
អ្នករកស៊ីក្នុងវិស័នេះអះអាងទៀតថា បញ្ហាសម្រាប់ប្រទេសចិននាពេលនេះ មិនមែនគ្មានការផ្គត់ផ្គង់ធ្យូងថ្មនោះទេ ប៉ុន្ដែ ដោយសារតែតម្រូវការធ្លាក់ចុះទៅវិញទេ។
គួរជម្រាបថា ការនាំចូលធ្យូងថ្មរបស់ចិនពីរុស្ស៊ីបានធ្លាក់ចុះ ៣០% នៅក្នុងខែមីនាធៀបនឹងឆ្នាំមុន ប៉ុន្តែពាណិជ្ជករចិនមួយចំនួនក្នុងប៉ុន្មានសប្តាហ៍ថ្មីៗនេះបានចាប់ផ្តើមស្នើសុំទិញធ្យូងថ្មីពីរុស្ស៊ីដែលមានតំលៃថោកបន្ទាប់ពីការដាក់ទណ្ឌកម្មដែលបានគ្រោងទុកពីសហភាពអឺរ៉ុប៕
អត្ថបទ៖ វ៉ាន់ ស្រីរ័ត្ន
None
