រដ្ឋាភិបាលវៀតណាមនឹងលើកលែងពន្ធក្នុតម្លៃសរុបដល់ ២,៦ពាន់លានដុល្លារ ដើម្បីជួយដល់អាជីវកម្មរងផលប៉ះពាល់ដោយសារកូវីដ
រដ្ឋាភិបាលវៀតណាម នៅតែបន្ដមានគោលនយោបាយជួយដល់សហគ្រាសក្នុងស្រុក ដែលបានផុងខ្លួនក្នុងវិបត្តិកូវីដ១៩។ ក្នុងនោះ រដ្ឋាភិបាលវៀតណាម ក៏គ្រោងនឹងកាត…
លោក វ៉ាង ម៉េងហ៊ុយ (Wang Menghui) រដ្ឋមន្ត្រីក្រសួងលំនៅដ្ឋាន និងអភិវឌ្ឍន៍ទីក្រុង-ជនបទ របស់ចិនប្រាប់ ស៊ិនហួរថា ប្រទេសចិននឹងរក្សាគោលនយោបាយអចលនវត្ថុរបស់ខ្លួនឱ្យជាប់លាប់ និងមានស្ថិរភាព ស្របពេលដែលគេនឹងពង្រឹងការសម្របសម្រួលក្នុងវិស័យនានា រួមមាន ហិរញ្ញវត្ថុ ការគ្រប់គ្រងដីធ្លី និងទីផ្សារ ឲ្យបានល្អ ដើម្បីផ្តល់លំនឹងដល់វិស័យអចលនទ្រព្យ។
ការប្តេជ្ញាបែបនេះ ស្របពេលដែល អ្នកអភិវឌ្ឍន៍អចលនទ្រព្យរបស់ចិនបាននិងកំពុងទទួលរងនូវភាពតានតឹងផ្នែកសាច់ប្រាក់យ៉ាងខ្លាំង នៅក្នុងឆ្នាំនេះ ដោយសារតែទីក្រុងប៉េកាំងបានបង្កើនការយកចិត្តទុកដាក់លើការខ្ចីប្រាក់ដ៏ច្រើនលើសលប់របស់អ្នកអភិវឌ្ឍន៍។
យ៉ាងណាក៏ដោយ ការប្តេជ្ញាចិត្តខាងលើនេះ ត្រូវបាននិយ័តករជាន់ខ្ពស់ក្រុងប៉េកាំងអះអាងថា មិនមែនជាការប្រើប្រាស់វិស័យអចលនវត្ថុជាឧបករណ៍ ដើម្បីជំរុញសេដ្ឋកិច្ចឱ្យមានកំណើនរយៈពេលខ្លីទេ។ គោលដៅ គឺធ្វើយ៉ាងណារក្សាស្ថិរភាពវិស័យមួយនេះ នឹងសម្រួលដល់អ្នកទិញអចលនទ្រព្យ ឲ្យទទួលបានអចលនទ្រព្យដែលខ្លួនបានទិញបានទាន់ពេលវេលា។
គួរបញ្ជាក់ថា នៅថ្ងៃសៅរ៍សប្តាហ៍មុននេះ ធនាគារកណ្តាលរបស់ប្រទេសចិនបាននិយាយថា ខ្លួននឹងការពារសិទ្ធិស្របច្បាប់របស់អ្នកទិញផ្ទះ ព្រមទាំងបំពេញតម្រូវការរស់នៅរបស់ពួកគេឲ្យបានប្រសើរជាងមុន ដោយសន្យាថា នឹងលើកកម្ពស់ការអភិវឌ្ឍប្រកបដោយស្ថិរភាព នៃទីផ្សារអចលនទ្រព្យក្នុងប្រទេស។
សូមជម្រាបថា វិស័យអចលនទ្រព្យរបស់ប្រទេសចិន មានស្មើនឹង ៧% នៃផលិតផលក្នុងស្រុកសរុប ដែលវាសបញ្ជាក់អំពី តួនាទីដ៏សំខាន់ នៃវិស័យអចលនទ្រព្យក្នុងចរន្តសេដ្ឋកិច្ចប្រទេសលំដាប់លេខ២ពិភពលោកមួយនេះ៕
