ផ្លូវទឹកប្រវែង ៤.៣៥០ គីឡូម៉ែត្រ ដែលត្រូវបានគេស្គាល់ថាទន្លេឡានឆាងនៅក្នុងប្រទេសចិន ដែលបានហូរកាត់មកកាន់ភាគខាងត្បូងកាត់ប្រទេសមីយ៉ាន់ម៉ា ឡាវ ថៃ កម្ពុជា និងវៀតណាម បានក្លាយជាគោលដៅប្រកួតប្រជែងគ្នាដ៏សំខាន់នៅ។
ទីក្រុងប៉េកាំង បានច្រានចោលការស្រាវជ្រាវរបស់សហរដ្ឋអាមេរិក ដែលបាននិយាយថា ទំនប់ចិន បានរក្សាទឹកទុកសម្រាប់ធ្វើឲ្យមានមហន្ដរាយដល់ប្រទេសស្ថិតនៅក្រោមខ្សែទឹកទន្លេនេះ ដែលមានប្រជាជនប្រមាណ៦០លាននាក់ រស់ពឹកផ្អែកលើទន្លេ សម្រាប់ការនេសាទ និងធ្វើកសិកម្ម។
គម្រោងកម្មវិធីត្រួតពិនិត្យទំនប់ទឹកទន្លេមេគ្គ ដែលជាផ្នែកមួយមានការឧបត្ថម្ភដោយក្រសួងការបរទេសអាមេរិក មានប្រើប្រាស់ទិន្នន័យផ្កាយរណប (Cloud-piercing) ដើម្បីតាមដានកម្រិតទំនប់ទឹកនៅក្នុងប្រទេសចិន និងប្រទេសដទៃទៀត។
អត្ថបទទាក់ទង!
ព័ត៌មាននឹងត្រូវបើកចំហសម្រាប់គ្រប់គ្នានៅក្នុងពេលវេលាជាក់លាក់ឆាប់ៗនេះ។ ទិន្នន័យនោះ នឹងមានបង្ហាញពីផ្នែកណានៃតំបន់ដែលមានទឹកច្រើនជាង និងផ្នែកណាដែលមានភាពរីងស្ងួតច្រើនជាង ខុសធម្មតា និងមានការណែនាំអំពីលំហូរនៃធម្មជាតិ ដែលមានផលប៉ះពាល់ដោយសារតែការធ្វើទំនប់ទឹកនេះ។
លោក Brian Eyler មកពីមជ្ឈមណ្ឌល Stimson ដែលមានមូលដ្ឋាននៅទីក្រុងវ៉ាស៊ិនតោន បាននិយាយថា «កាត្រួតពិនិត្យ នឹងផ្ដល់នូវភស្ដុតាងដែលថា ទំនប់វារីអគ្គិសនីចំនួន ១១ របស់ចិន បានរៀបចំឡើងយ៉ាងទំនើប និងដំណើរការក្នុងវិធី ដើម្បីបង្កើនផលិតកម្មវារីអគ្គិសនីឲ្យបានច្រើនបំផុត សម្រាប់លក់នៅក្នុងតំបន់ខេត្តភាគខាងកើតក្នុងប្រទេសចិន ដោយមិនបានគិតទាល់តែសោះអំពីផលប៉ះពាល់នៅផ្នែកខាងក្រោម»។
ប្រទេសចិន បានរិះគន់យ៉ាងខ្លាំងចំពោះការស្រាវជ្រាវកន្លងមក រួមទាំងការសិក្សាមួយ ដោយស្ថាប័ន Eyes on Earth ដែលជាផ្នែកមួយនៃគម្រោងត្រួតពិនិត្យទំនប់ទឹកទន្លេមេគ្គនេះ ដោយការសិក្សានេះ បាននិយាយថា ទឹកត្រូវបានស្ដុកទុកក្នុងអំឡុងឆ្នាំ២០១៩ ខណៈដែលប្រទេសដទៃទៀតទទួលរងនូវគ្រោះរាំងស្ងួតធ្ងន់ធ្ងរ។
វិទ្យាស្ថានវិស្វកម្មថាមពេលកើតឡើងវិញដែលមានរដ្ឋចិននៅពីក្រោយខ្នង បានបញ្ជាក់នៅក្នុងរបាយការណ៍មួយកាលពីថ្ងៃទី ០៤ ខែធ្នូនេះថា «សហរដ្ឋអាមេរិក មិនអាចផ្ដល់ភស្ដុតាងបានល្អពេញលេញនោះទេ»។
ប្រភពបន្ថែមទៀតថា «ផលប្រយោជន៍វិជ្ជមាននៃថាមពលវារីអគ្គិសនីតាមខ្សែទឹកទន្លេឡានឆាង សម្រាប់ប្រទេសជាអ្នកជិតខាងនៅប៉ែកខាងក្រោមនៃខ្សែទឹកទន្លេមេគង្គ គឺមានភាពច្បាស់លាស់ និងជាក់ស្ដែងណាស់។ បន្ថែមពីនេះ ទឹកដែលបានស្ដុកនៅក្នុងរដូវទឹកជំនន់ គឺបានជួយការពារប្រទេសនៅប៉ែកខាងក្រោមនៃដងទន្លេទាំងនៅរដូវទឹកជំនន់ និងរដូវរាំងស្ងួត»។
កាលពីដើមឆ្នាំនេះ ប្រទេសចិន បានយល់ព្រមចែករំលែកទិន្នន័យទាក់ទងនឹងទឹកទន្លេនេះ ជាមួយនឹងគណៈកម្មការទន្លេមេគ្គង ដែលជាស្ថាប័នប្រឹក្សាមួយ ដែលមានការចូលរួមពីប្រទេសថៃ ឡាវ កម្ពុជា និងវៀតណាម ដោយប្រទេសទាំងនេះបានស្វែងរកព័ត៌មាននេះជាយូរមកហើយ សម្រាប់ធ្វើឲ្យគម្រោងកាន់តែប្រសើរជាងមុន។
ប្រទេសចិន និងអាមេរិក មានស្ថាប័នគូប្រជែងធ្វើការជាមួយនឹងបណ្ដាប្រទេសទន្លេមេគង្គនេះផងដែរ រួមមាន៖ កិច្ចសហប្រតិបត្តិការមេគង្គ-ឡានឆាង ដែលមានចិនចូលរួម និងភាពជាដៃគូមេគង្គ-សហរដ្ឋអាមេរិក មានអាមេរិកចូលរួម។
គួរបញ្ជាក់ថា មហាអំណាចទាំងពីរនេះ ក៏មានជម្លោះនៅសមុទ្រចិនខាងត្បូងផងដែរ ដែលទីក្រុងវ៉ាស៊ិនតោន ប្រឆាំងនឹងការទាមទាររបស់ទីក្រុងប៉េកាំង ចំពោះផ្លូវទឹកភាគច្រើន ដែលជាច្រកដ៏សំខាន់សម្រាប់ពាណិជ្ជកម្ម ដែលសម្បូរទៅដោយធនធានថាមពល៕
None
