មេដឹកនាំចិន និងអេស្ប៉ាញ ជួបពិភាក្សាគ្នា ដើម្បីរកច្រកបន្ធូរបន្ថយជម្លោះពាណិជ្ជកម្មរវាងសហភាពអឺរ៉ុប និងចិន

នៅក្នុងជំនួបទ្វេភាគីខាងលើលោក ស៊ី ជីនពីង បានជំរុញនាយករដ្ឋមន្ត្រីអេស្ប៉ាញ ដើរតួនាទីជាអ្នកស្ថាបនាក្នុងការធ្វើឱ្យប្រសើរឡើងវិញនូវទំនាក់ទំនង ដែលជាប់គាំងរវាងក្រុងប៉េកាំង និងសហភាពអឺរ៉ុប​។ ជាមួយគ្នានេះថ្នាក់ដឹកនាំចិន រូបនេះ ក៏បានជជែកអំពីការពង្រឹកទំនាក់ទំនងពាណិជ្ជកម្មរវាងចិន និងអេស្ប៉ាញ ក្នុងវិស័យមួយចំនួនដូចជាបញ្ញាសិប្បនិមិត្ត សេដ្ឋកិច្ចឌីជីថល ថាមពលថ្មី និងបច្ចេកវិទ្យាទំនើបៗផងដែរ។

នៅចំពោះមុខមេដឹកនាំចិន លោក ផេនដ្រូ សានឆេស បានបង្ហាញក្តីរំពឹងថា សហភាពអឺរ៉ុបនឹងអាចជៀសផុតពីសង្គ្រាមពាណិជ្ជកម្មជាមួយនឹងប្រទេសចិន បើទោះជាទីក្រុងប្រ៊ុចសែល ប្រទេសបែលហ្ស៊ិកបានដាក់ទម្ងន់លើពន្ធគយទៅលើរថយន្តអគ្គិសនីផលិតដោយចិន ក៏ដោយ។

ទិន្នន័យគយរបស់ចិន បានបង្ហាញថា ប្រទេសអេស្ប៉ាញ បាននាំចេញផលិតផលសាច់ជ្រូកមានតម្លៃ១.៥ពាន់លានដុល្លារ ទៅប្រទេសចិន ខណៈចិនគ្រោងស៊ើបអង្កេតលើបញ្ហានេះ ហើយប្រទេសអេស្ប៉ាញ ក៏បានលក់ផលិតផលទឹកដោះគោក្នុងតម្លៃក្រោម៥០លានដុល្លារទៅឱ្យចិន កាលពីឆ្នាំមុនផងដែរ៕