ឯកឧត្តម ខៀវ បូរិន អគ្គនាយកនៃអគ្គនាយកដ្ឋានសហគមន៍មូលដ្ឋាននៃក្រសួងបរិស្ថាន បានឲ្យដឹងថា ដីដែលក្រសួងបានសម្រេចប្រគល់ឲ្យសហគមន៍ដើម្បីដាំដំណាំ ជាពិសេសដាំដើមម៉ៃសាក់ដោយសារតែ ដីទាំងនោះជាប្រភេទដីព្រៃរិចរិល។ ឯកឧត្តម ខៀវ បូរិន បញ្ជាក់ថា« ថ្មីៗនេះក្រសួងបរិស្ថាន បានផ្តល់ឲ្យទៅសហគមន៍ផ្ទៃដី ៨៩៥ហិកតាទៀត សម្រាប់រយៈពេល១៥ឆ្នាំ ហើយអំបាញ់មិញនៅក្នុងការចុះកិច្ចព្រមព្រៀងហ្នឹង គឹនៅក្នុងហ្នឹងមានបញ្ជាក់ថា ដីហ្នឹងគឺជាដីរបស់រដ្ឋដែលប្រគល់សហគមន៍គ្រប់គ្រងអាស្រ័យផល រយៈពេល១៥ឆ្នាំ ដូច្នេះសហគមន៍មានសិទ្ធិយកដីនេះ ទៅធ្វើខ្លួនឯងឬក៏សហការជាមួយអ្នកផ្សេង ក្នុងករណីដីរិចរិលចឹង គាត់អាចដាំម៉ៃសាក់ដាំអី ប៉ុន្តែបើដីព្រៃក៏ក្រសួងមិនអនុញ្ញាតដែរ»។
បន្ទាប់ពីទទួលបានដីបន្ថែមប្រមាណជិត៩០០ហិកតាទៀត ប្រធានសហគមន៍តំបន់ការពារធម្មជាតិតាសាល លោកផុន ភាព និងប្រធានសហគមន៍តំបន់ការពារធម្មជាតិរលាក់កងជើងលោក ហ៊ុន សៅ បានសម្តែងនូវក្តីត្រេកអរ នឹងរំពឹងថា ពួគគាត់នឹងទទួលបានប្រយោជន៍ជាច្រើនពីដីទាំងនេះ។ លោកផុន ភាពថា« តាមយោបល់ខ្ញុំ ខ្ញុំយល់ថាបានប្រយោជន៍ច្រើនអាវគ្គក្រោយនេះឯង ដែលយើងអាចទទួលបានផលពីដីផង ថែមទាំងអាចការពារដីនេះ មិនឲ្យមានការទន្ទ្រានពីជនខិលខូចថែមទៀតផង»។
អត្ថបទទាក់ទង
បន្ថែមពីលើប្រសាសន៍លោកផុន ភាព ប្រធានសហគមន៍តំបន់ការពារធម្មជាតិតាសាល លោក ហ៊ុន សៅ ប្រធានសហគមន៍តំបន់ការពារធម្មជាតិរលាក់កងជើង បញ្ជាក់ថា« ខ្ញុំរំពឹងថា សហគមន៍ខ្ញុំនឹងបានគង់វង្ស ហើយក៏សង្ឃឹមថា នឹងមានការចូលរួម ក៏ដូចជាការឧបត្ថម្ភពីថ្នាក់ជាតិ ក៏ដូចជាអន្តរជាតិ សប្បុរសជន ឯកឧត្តម លោកជំទាវណា ដែលស្រលាញ់ធនធានធម្មជាតិ ឲ្យមកជួយ ដើម្បីអភិវឌ្ឍន៍សហគមន៍ឲ្យបានរីកចម្រើនទៅមុខទៀត»។
ក្នុងនាមជាតំណាងក្រុមហ៊ុនមួយដែលបានរួមចំណែកយ៉ាងសកម្ម ក្នុងការធ្វើឲ្យដីដែលព្រៃដែលសឹករិចរិល គ្មានជីវជាតិ ហួតហែង ទៅជាចំការម៉ៃសាក់ដ៏ស្រស់បំព្រង លោកឧកញ៉ា ចេង ខេង តំណាងក្រុមហ៊ុន ស៊ី-ភី-អិល ធីកហ្វាម (CPL Teak Farm) បានថ្លែងថា ផ្ទៃដីបន្ថែមប្រមាណជិត៩០០ហិកតាទៀត ដែលទទួលបានពីសហគមន៍ ក៏ដូចជាពីក្រសួងបរិស្ថាននាពេលនេះ ក្រុមហ៊ុនអ៊ីស្រាអែល ធីកហ្វាម(Teak Farm) នឹងសិក្សាមើល ថាតើក្រៅពីដើមម៉ៃសាក់ហើយ តើអាចយកទៅដាំដំណាំសក្តានុពលអ្វីទៀតឬអត់។
លោកឧកញ៉ា ចេង ខេង
បញ្ជាក់ថា «យើងកំពុងតែឲ្យអ្នកបច្ចេកទេស ធ្វើការសិក្សាទៅលើដីមួយចំនួនណាដែលអាចដាំអ្វីបាន
លើដី៨៩៥ហិកតាហ្នឹង គឺយើងនឹងធ្វើការពិសោធទៅលើដាំំផ្សេងៗទៀតដែរ មិនមែនដាំតែដើមម៉ៃសាក់ទេ។
ហើយមាន១០០ហិកតា ខាងធីកហ្វាមហ្នឹង គឺកំពុងធ្វើការពិសោធទៅលើដំណាំAvocado(ផ្លែប៊ឺរ) តើប៊ឺរអាចដាំបាននៅលើដីនេះឬក៏អត់ ដោយសារដំណាំប៊ឺរ
វាមាតម្លៃនៅលើទីផ្សារល្អ ហើយមានតម្រូវការកើនឡើងជាប្រចាំ។ និយាយទៅទីតាំងនេះ
យើងមិនធ្វើការដាំដើមម៉ៃសាក់តែមួយមុខនោះទេ គឺយើងធ្វើការពិសោធន៍ថា ដីដែលយើងយកមកហ្នឹង
តើយើងអាចដាំអ្វីដែលបានល្អហើយ បានទទួលផលខ្ពស់»។ ហើយបើលោកឧកញ៉ាចេង ខេង ទីផ្សារសំខាន់របស់ដើមម៉ៃសាក់ (Teak) គឺនៅតំបន់អឺរ៉ុប និងប្រទេសចិន។
អ្នកគ្រប់គ្រងផ្នែកបច្ចេកទេសនៃក្រុមហ៊ុនអ៊ីស្រាអែល ធីកហ្វាម(Teak Farm) គឺ លោក អ៊ំរី (Omri)បានបង្ហាញពីការតាំងចិត្តថា« ធីកហ្វាម(Teak Farm) នឹងបន្តបេសកកម្មរបស់ខ្លួន ដោយបន្តការអភិវឌ្ឍចំការម៉ៃសាក់ក្នុងសហគមន៍នេះឲ្យល្អប្រសើរបំផុត ដោយប្រើវិធីសាស្ត្រនិងបច្ចេកទេស ដែលប្រទេសខ្ញុំធ្លាប់បានធ្វើ ដែលសំខាន់បំផុតគឺផ្តល់បច្ចេកទេសមួយដ៏សមស្របសម្រាប់ដំណាំនៅតំបន់នេះ»។
ក្រុមការងាររបស់លោកឧកញ៉ា ចេង ខេង និងក្រុមការងារឯកឧត្តម ខៀវ បូរិន អគ្គនាយកនៃអគ្គនាយកដ្ឋានសហគមន៍មូលដ្ឋាន
សូមជម្រាបថា នៅក្នុងមួយឆ្នាំ សហគមន៍អាចទាញប្រយោជន៍ពីការប្រើប្រាស់ដីក្នុងតំបន់ការពារធម្មជាតិ ដែលក្រសួងបានប្រគល់ឲ្យ ក្នុងទំហំទឹកប្រាក់ប្រហែល ៣ម៉ឺនដុល្លារ ដែលក្រសួងយល់ថា សហគមន៍អាចប្រើប្រាស់លុយនេះដើម្បីដោះស្រាយបញ្ហាប្រឈមនានា។ ហើយក្រសួងនឹងពិចារណាបន្តផ្តល់សុពលភាពលើដីទាំងនោះបន្តទៀត ក្រោយផុតរយៈពេល១៥ឆ្នាំ ប្រសិនបើសហគមន៍សហការជាមួយដៃគូបានល្អក្នុងការប្រើប្រាស់ដីនេះឲ្យមានប្រយោជន៍៕
None
