មុនការឡើងកាន់តំណែងរបស់លោក ត្រាំ ចិនសម្រេចបានអតិរេកពាណិជ្ជកម្មជិត១ទ្រីលានដុល្លារ
មុនពេលលោក ដូណាល់ ត្រាំ ប្រធានាធិបតីជាប់ឆ្នោតសហរដ្ឋអាម៉េរិកឡើងមកដឹកនាំសេតវិមានជាផ្លូវការនៅថ្ងៃទី២០ ខែមករា ឆ្នាំ២០២៥ ដ៏ខ្លីខាងមុខនេះ ម…
ក្រុមហ៊ុន Rho Motion ដែលជាក្រុមហ៊ុនប្រឹក្សាយោបល់មានមូលដ្ឋាននៅចក្រភពអង់គ្លេស បានអះអាងថា ការលក់រថយន្តអគ្គិសនី ដែលមិនរួមបញ្ចូលរថយន្តកូនកាត់បានកើនឡើង២៥% នៅទូទាំងពិភពលោកកាលពីឆ្នាំ២០២៤។ ក្រុមហ៊ុននេះ បានអះអាងថា ទោះបីជាទីផ្សារថយន្តអគ្គិសនីនៅអឺរ៉ុបមានការធ្លាក់ចុះក៏ដោយ ក៏កំណើនតម្រូវការនៅប្រទេសចិន បានធ្វើឲ្យរថយន្តអគ្គិសនីសរុបរហូតដល់ជាង១៧លានគ្រឿងត្រូវបានលក់ឱ្យអតិថិជនប្រើប្រាស់ទូទាំងពិភពលោក។
ស្ថិតិផ្លូវការបានបង្ហាញថា ការលក់រថយន្តអគ្គិសនីនៅក្នុងប្រទេសចិន នៅពេញមួយឆ្នាំ២០២៤ កន្លងទៅសម្រេចបានរហូតដល់១១លានគ្រឿង កើនឡើងប្រមាណ៤០% បើធៀបនឹងបរិមាណលក់កាលពីឆ្នាំ២០២៣។ ក្រៅពីទីផ្សារចិន ការលក់រថយន្តអគ្គិសនីនៅសហរដ្ឋអាម៉េរិក និងកាណាដា ក៏មានការកើនឡើង ខ្ពស់ផងដែរ ជាមួយបរិមាណលក់សរុបជិត២លានគ្រឿងមានការកើនឡើង៩%។
ដោយឡែកការលក់រថយន្តអគ្គិសនីនៅបណ្តាប្រទេសក្នុងតំបន់អឺរ៉ុប ដូចជានៅអង់គ្លេស អាយឡែន ន័រវេស និងស្វីសជាដើមបានធ្លាក់ចុះមកនៅត្រឹម៣លានគ្រឿង មានការថយចុះ៣% ដែលជាការធ្លាក់ចុះលើកដំបូងនៅក្នុងរយៈពេល៤ឆ្នាំចុងក្រោយ។
ការធ្លាក់ចុះនេះត្រូវបានអ្នកវិភាគលើកឡើងថា មួយចំណែកអាចបណ្តាលមកពីសម្ពាធ និងភាពតានតឹងខាងពាណិជ្ជកម្មរវាងសហភាពអឺរ៉ុប និងចិន និងការបញ្ចប់កម្មវិធីលើកទឹកចិត្តនៅប្រទេសអឺរ៉ុបមួយចំនួន ដូចជានៅអាល្លឺម៉ង់ជាដើម។
លោក ឆាល ឡេស្ទ័រ (Charles Lester ) អ្នកគ្រប់គ្រងទិន្នន័យរបស់ក្រុមហ៊ុន Rho Motion បានអះអាងនៅក្នុងសេចក្តីថ្លែងការណ៍មួយថា នៅឆ្នាំ២០២៥ កំណើនលក់រថយន្តអគ្គិសនីនៅលើពិភពលោកអាចធ្លាក់ចុះបន្តិចវិញ ដោយសារចំណាត់ការពន្ធគយរបស់លោក ដូណាល់ ត្រាំ និងបញ្ហាផ្សេងៗ។
ទន្ទឹមនឹងនេះ អ្នកជំនាញរូបនេះយល់ឃើញថា ផែនការរបស់ប្រធានាធិបតីជាប់ឆ្នោត ដូណាល់ ត្រាំ ដើម្បីបញ្ឈប់ការលើកទឹកចិត្តក្នុងការលក់រថយន្តអគ្គិសនី និងការកំណត់ពន្ធលើទំនិញចិន គឺជាបញ្ហាប្រឈមមួយដែលអាចធ្វើឱ្យប៉ះពាល់ដល់ការលក់រថយន្តអគ្គិសនីនៅសហរដ្ឋអាម៉េរិក និងសហភាពអឺរ៉ុបជាដើម៕
ដោយៈ សរ សុជាតិ
