ក្រុមហ៊ុន AstraZeneca បានឆ្លើយតបវិញដែរថា សកម្មភាពផ្លូវច្បាប់របស់សហភាពអឺរ៉ុប គឺមិនមានភាពត្រឹមត្រូវ ហើយក្រុមហ៊ុនប្តេជ្ញានឹងការពារខ្លួនឲ្យបាននៅក្នុងតុលាការ។
នៅក្នុងកិច្ចសន្យារវាងអឺរ៉ុប និងក្រុមហ៊ុនផលិតឱសថរបស់អង់គ្លេសមួយនេះ គឺបានព្រមព្រៀងបង្កើតឲ្យមានកិច្ចខិតខំប្រឹងប្រែងដែលសមហេតុផលបំផុត ក្នុងការចែកចាយវ៉ាក់សាំង ១៨០លានដូសទៅក្នុងសហភាពអឺរ៉ុប នៅក្នុងត្រីមាសទី២នៃឆ្នាំនេះ ហើយសម្រាប់ចំនួនវ៉ាក់សាំងសរុប ៣០០លានដូស នឹងត្រូវចែកចាយនៅក្នុងអំឡុងខែធ្នូ ដល់ខែមិថុនា។ ប៉ុន្ដែ ក្រុមហ៊ុន AstraZeneca បាននិយាយនៅក្នុងសេចក្ដីថ្លែងការកាលពីថ្ងៃទី ១២ ខែមីនាថា ខ្លួនអាចចែកចាយវ៉ាក់សាំងទៅឲ្យអឺរ៉ុបត្រឹមតែ១ភាគ៣ ប៉ុណ្ណោះ នៃចំនួនសុរបនៅត្រឹមចុងខែមិថុនា ដែលក្នុងនោះ មានប្រហែល ៧០លានដូសអាចនឹងត្រូវផ្ដល់ទៅឲ្យអឺរ៉ុបនៅក្នុងត្រីមាសទី២នេះ។
អត្ថបទទាក់ទង!
មួយសប្ដាហ៍ក្រោយពីក្រុមហ៊ុនបានចេញសេចក្ដីថ្លែងការណ៍នេះ គណៈកម្មការអឺរ៉ុប បានផ្ញើលិខិតផ្លូវច្បាប់មួយ ទៅកាន់ក្រុមហ៊ុន នៅក្នុងជំហានដំបូងនៃនីតិវិធីផ្លូវការដើម្បីដោះស្រាយបញ្ហានេះ។
ការពន្យារពេលផ្គត់ផ្គង់វ៉ាក់សាំងរបស់ក្រុមហ៊ុន AstraZeneca ទៅឲ្យអឺរ៉ុប បានធ្វើឲ្យមានការរាំងស្ទះដល់ការចាក់វ៉ាក់សាំងនៅក្នុងតំបន់នេះ ពីព្រោះវ៉ាក់សាំងរបស់អង់គ្លេសមួយនេះ ដំបូងឡើយត្រូវបានគេសន្មតថា ជាវ៉ាក់សាំងចម្បងមួយដែលនឹងត្រូវប្រើប្រាស់នៅក្នុងតំបន់អឺរ៉ុបនៅពាក់កណ្ដាលឆ្នាំដំបូងនៃឆ្នាំ២០២១។ បន្ទាប់ពី ការផ្គត់ផ្គង់ត្រូវបានកាត់បន្ថយម្ដងហើយម្ដងទៀត សហភាពអឺរ៉ុបបានប្ដូរផែនការពីការរំពឹងខ្ពស់លើវ៉ាក់សាំងរបស់អង់គ្លេស បែរមកពឹងផ្អែកខ្លាំងលើវ៉ាក់សាំង Pfizer-BioNTech របស់ក្រុមហ៊ុនអាមេរិក និងអាល្លឺម៉ង់ជំនួសវិញ ដោយសហភាពអឺរ៉ុប គ្រោងមានកិច្ចព្រមព្រៀងទិញវ៉ាក់សាំងពីក្រុមហ៊ុននេះជិត២ពាន់លានដូសឯណោះ។
ក្រោមកិច្ចព្រមព្រៀងនេះ ការជំនុំជំរះក្ដីរវាងអឺរ៉ុប និងក្រុមហ៊ុន AstraZeneca នឹងត្រូវធ្វើឡើងនៅក្នុងតុលាការនៃប្រទេសប៊ែលហ្សិក៕
None
