សហព័ន្ធគណៈកម្មការពាណិជ្ជកម្មអាមេរិក បានធ្វើការបោះឆ្នោត៣លើ២ នៃគណៈបក្សនយោបាយចូលរួម ដើម្បីអនុម័តដំណោះស្រាយដែលទាមទារឲ្យមានការសម្រេចពីតុលា ទោះបីជាគណៈបក្សប្រជាធិបតេយ្យ បាននិយាយថា ការសម្រេចនេះ មិនមានភាពវែងឆ្ងាយគ្រប់គ្រាន់ និងមិនមានផាកពិន័យដោយភាពទូលំទូលាយគ្រប់គ្រាន់ក៏ដោយ។
លោក Joe Simons ប្រធានសហព័ន្ធគណៈកម្មការពាណិជ្ជកម្មអាមេរិក ដែលមកពីគណៈបក្សសាធារណៈរដ្ឋបានថ្លែងក្នុងសេចក្ដីថ្លែងថា «ទោះបីជាបានសន្យាជាមួយនឹងអ្នកប្រើប្រាស់រាប់ពាន់លាននាក់របស់ខ្លួននៅទូទាំងពិភពលោកថា ពួកគេអាចគ្រប់គ្រងបានពីរបៀបដែលព័ត៌មានត្រូវបានចែករំលែកលើបណ្ដាញសង្គមហ្វេសប៊ុក តែវាធ្វើឲ្យខូចដល់ជម្រើសរបស់អ្នកប្រើប្រាស់។
អត្ថបទទាក់ទង!
ប៉ុន្ដែ អនុប្រធាន សហព័ន្ធគណៈកម្មការពាណិជ្ជកម្មអាមេរិកលោក Rhit Chopra ដែលមកពីគណៈប្រជាធិបតេយ្យ បាននិយាយថា ការផាកពិន័យនេះបានផ្ដល់នូវ “អភ័យឯកសិទ្ធិដ៏ទូលំទូលាយ” សម្រាប់នាយកប្រតិបត្តិក្រុមហ៊ុនហ្វេសប៊ុក ហើយវាគ្មានការទប់ស្កាត់ពិតប្រាកដ លើគំរូអាជីវកម្មរបស់ក្រុមហ៊ុនហ្វេសប៊ុកនោះទេ និងមិនមានការដោះស្រាយបញ្ហាស្នូលដែលនាំទៅរកការរំលោភបំពានទាំងនោះដែរ។
FTC បានឲ្យដឹងទៀតថា គោលនយោបាយទិន្នន័យរបស់ហ្វេសប៊ុក គឺត្រូវបានបញ្ឆោតឲ្យមនុស្ស១០លាននាក់ នៃអ្នកប្រើប្រាស់ឧបករណ៍សម្គាល់មុខរបស់ហ្វេស៊ុក ហើយវាបានរំលោភលើច្បាប់របស់ខ្លួន ប្រឆាំងនឹងការអនុវត្តការបញ្ឆោត នៅពេលដែលវាមិនបានបង្ហាញលេខទូរស័ព្ទប្រមូលបាន ដើម្បីឲ្យមុខងារសុវត្ថិភាពអាចត្រូវបានប្រើសម្រាប់ការផ្សព្វផ្សាយពាណិជ្ជកម្ម។
និយាយមួយបែបទៀត គឺ ក្រុមហ៊ុនហ្វេសប៊ុកនេះ បានលួចប្រមូលព័ត៌មានរបស់អ្នកប្រើប្រាស់ដោយសម្ងាត់ដើម្បីលក់ចែកចាយតាមរយៈការផ្សព្វផ្សាយពាណិជ្ជកម្ម។
ក្រោមការសម្រេចដាក់ផាកពិន័យនេះ ក្រុមប្រឹក្សាភិបាលក្រុមហ៊ុនហ្វេសប៊ុក នឹងបង្កើតគណៈកម្មការឯកជនឯករាជ្យមួយ ដែលលុបចោល ការគ្រប់គ្រងហួសដែនកំណត់របស់នាយកប្រតិបត្តិហ្វេសប៊ុកលោក Mark Zuckerberg ដែលបានធ្វើឲ្យប៉ះពាល់ដល់សិទ្ធិឯកជនរបស់អ្នកប្រើប្រាស់យ៉ាងដូច្នេះ។
លោក Chopra និងលោកស្រី Rebecca Slaughter ស្នងការFTC ដែលមកពីគណៈបក្សប្រជាធិបតេយ្យបានជំទាស់នឹងការសម្រេចនេះ ដោយបានលើកឡើងថា ការផាកពិន័យ៥ពាន់លានដុល្លារអាមេរិកលើក្រុមហ៊ុនហ្វេសប៊ុកនេះ គឺដូចជានៅតិចតួចជាងអ្វីដែលក្រុមហ៊ុនបានរំលោភបំពានសិទ្ធិឯកជនរបស់អ្នកប្រើប្រាស់ផង។
ហ្វេសប៊ុកផ្លូវការរបស់នាយកប្រតិបត្តិក្រុមហ៊ុនហ្វេសប៊ុក លោក Mark Zuckerberg បានរៀបរាប់ថា «យើងបានយល់ព្រមទូទាត់សងការដាក់ផាកពិន័យជាប្រវត្តិសាស្ត្រនេះ។ ប៉ុន្ដែ អ្វីដែលសំខាន់ជាងនេះ គឺយើងកំពុងធ្វើនូវកំណែប្រែរចនាសម្ព័ន្ធធំៗ អំពីរបៀបយើងបង្កើតផលិតផល និងដំណើរការក្រុមហ៊ុនមួយនេះ»។
លោក Mark បន្តទៀតថា «យើងមានការទទួលខុសត្រូវក្នុងការការពារភាពឯកជនរបស់អ្នកប្រើប្រាស់។ យើងបានធ្វើការយ៉ាងលំបាកដើម្បីបំពេញនូវការទទួលខុសត្រូវនេះ ប៉ុន្តែឥឡូវនេះយើងនឹងកំណត់នូវស្តង់ដារថ្មីសម្រាប់ឧស្សាហកម្មរបស់យើង»៕
None
