ចំនួននេះគឺច្រើនលើសលប់លើបណ្តាញសង្គមដទៃៗទៀត។
លោក Mark Zuckerberg ស្ថាបនិកបណ្តាញសង្គមយក្សមួយនេះ បានប្រកាសលើគណនីរបស់ខ្លួនថា «ព្រឹកនេះ សហគមន៍អ្នកប្រើប្រាស់ Facebook មានរហូតដល់ ២ពាន់លាននាក់ហើយ។ ពួកយើងកំពុងខិតខំធ្វើឲ្យពិភពលោកកាន់តែមានភាពផ្សារភ្ជាប់គ្នា ហើយឥលូវ យើងបានធ្វើឲ្យពិភពលោកយើងកាន់តែជិតគ្នាហើយ»។
ចំនួនអ្នកដែលប្រើប្រាស់ដ៏ច្រើនលើសលប់ប្រមាណជាង ២ពាន់លាននាក់ជារៀងរាល់ខែនេះ បានធ្វើឲ្យ Facebook ក្លាយជាបណ្តាញសង្គមដែលមានអ្នកប្រើប្រាស់ច្រើនជាងគេបំផុត ខណៈដែល Youtube មានអ្នកប្រើប្រាស់ប្រមាណ ១៥០០លាននាក់ WhatsApp មានអ្នកប្រើប្រាស់ប្រមាណ ១២០០លាននាក់ Wechat ដែលជាបណ្តាញសង្គមរបស់ចិន មានអ្នកប្រើប្រាស់ប្រមាណ ៨៨៩លាននាក់។
ប្រាក់ចំណូលរបស់ក្រុមហ៊ុន Facebook មានការកើនឡើងពីប្រមាណជាង ៥ពាន់លានដុល្លាក្នុងឆ្នាំ២០១២ និងបានកើនឡើងរហូតដល់ជិត ២៨ពាន់លានដុល្លាក្នុងឆ្នាំ២០១៦៕
