ប្រទេសហ្វាំងឡង់ ដែលបច្ចុប្បន្នកំពុងស្នើសុំចូលជាសមាជិកភាពក្នុងសម្ព័ន្ធយោធា NATOនោះ កំពុងបានប្រញាប់ប្រញាល់ពង្រឹងសន្តិសុខតាមព្រំដែនរបស់ខ្លួន ទោះបីជា បច្ចុប្បន្ននៅតំបន់ព្រំដែនរបស់ប្រទេសទាំងពីនេះគ្របដណ្តប់ដោយព្រៃឈើ និង ត្រូវបានសម្គាល់ដោយសញ្ញា និងខ្សែបន្ទាត់ព្រំដែនភាគច្រើនក៏ដោយ។ ការដែលហ្វាំងឡង់ ព្យាយាមយ៉ាងធ្វើដូច្នេះ ដោយសារតែប្រទេសនេះមានការព្រួយបារម្ភថា រុស្ស៊ីអាចប៉ុនប៉ងដាក់សម្ពាធមកលើខ្លួន តាមរយៈការបញ្ជូនអ្នកសុំសិទ្ធិជ្រកកោនទៅកាន់ព្រំដែនរបស់ខ្លួន។
តួរយ៉ាង វិសោធនកម្មច្បាប់របស់រដ្ឋាភិបាលហ្វាំងឡង់ រួមមានសំណើដើម្បីបើកការប្រមូលផ្តុំការទទួលពាក្យសុំសិទ្ធិជ្រកកោន តែនៅចំណុចជាក់លាក់ណាមួយប៉ុណ្ណោះ មិនអនុញ្ញាតឲ្យអ្នកសុំសិទ្ធិជ្រកកោណទាំងនោះ ចូលមកប្រទេសខ្លួនបានដោយសេរីនោះទេ ហើយវាគឺស្ថិតនៅក្រោមច្បាប់របស់សហភាពអឺរ៉ុបដែលមានស្រាប់ដែរ ដោយជនចំណាកស្រុកមានសិទ្ធិស្នើសុំសិទ្ធិជ្រកកោននៅកន្លែងណាមួយដែលបានកំណត់ទៅកាន់ប្រទេសសមាជិកសហភាពអឺរ៉ុបតែប៉ុណ្ណោះ។
អត្ថបទគួរអាន
ទន្ទឹមនឹងនោះ វិសោធនកម្មនេះ ក៏នឹងអនុញ្ញាតឱ្យមានការសាងសង់របាំងដូចជា របង និង ផ្លូវថ្មី ដើម្បីសម្រួលដល់ការល្បាតព្រំដែនផងដែរ។
រដ្ឋមន្ត្រីក្រសួងកិច្ចការផ្ទៃក្នុងរបស់ហ្វាំងឡង់លោកស្រី Krista Mikkonen បានអះអាងនៅក្នុងសេចក្តីថ្លែងការណ៍មួយថា រដ្ឋាភិបាលនឹងសម្រេចចិត្តលើការសាងសងរបងព្រំដែនចំពោះតំបន់សំខាន់នៅព្រំដែនភាគខាងកើតជាប់នឹងរុស្ស៊ីនៅពេលខាងមុខ ដោយឈរលើមូលដ្ឋាននៃការវាយតម្លៃរបស់ឆ្មាំព្រំដែនហ្វាំងឡង់។
សូមបញ្ជាក់ថា ប្រទេសហ្វាំងឡង់នេះ កំពុងមានក្ដីបារម្ភខ្លាំងមែនទែនថា ចំពោះការគំរាមកំហែងពីសំណាក់រុស្ស៊ី ខណៈដែលរដ្ឋាភិបាលប្រទេសដែលមានប្រជាជនជាង៥លាននាក់មួយនេះ ក៏បានស្វះស្វែងស្នើសុំចូលជាសមាជិកអង្គការណាតូផងដែរ ប៉ុន្ដែ សំណើនេះកំពុងត្រូវបានជាប់គាំងដោយសារតែមានការជំទាស់ពីប្រទេសតួកគី៕
None
