ការវិនិយោគរួមគ្នាជាមួយនឹងក្រុមហ៊ុន LG ត្រូវបានគេមើលឃើញថា វានឹងជួយឲ្យក្រុមហ៊ុន Hyundai Motor និង ក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន Kia អាចទទួលបានការផ្គត់ផ្គង់អាគុយរថយន្ដអគ្គិសនីបានក្នុងចំនួនថេរ នៅក្នុងតម្លៃប្រកួតប្រជែងសម្រាប់ការផលិតរថយន្ដអគ្គិសនីរបស់ក្រុមហ៊ុននេះ។
ក្រុមហ៊ុន LG Energy Solution និងក្រុមហ៊ុន Hyundai បានចុះហត្ថលេខាលើអនុស្សារណៈយោគយល់គ្នាមួយរួចហើយ ជាមួយនឹងរដ្ឋាភិបាលប្រទេសឥណ្ឌូនេស៊ី ដើម្បីសាងសង់រោងចក្រនៅក្នុងប្រទេសនេះ។ នេះបើតាមការប្រកាសនៅក្នុងសេចក្ដីថ្លែងការណ៍របស់ក្រុមហ៊ុននៅថ្ងៃព្រហស្បតិ៍សប្ដាហ៍នេះ។
ការសម្រេចបាននូវការចុះអនុស្សារណៈយោគយល់គ្នានេះ គឺធ្វើឡើងនៅគ្រាដែលក្រុមហ៊ុនផលិតរថយន្ដសកលលោកកំពុងស្វែងរកការបញ្ជាទិញអាគុយរថយន្ដអគ្គិសនីកាន់តែច្រើន ដែលវាគឺជាផ្នែកមួយដ៏សំខាន់ក្នុងការផលិតរថយន្ដអគ្គិសនី ដែលកំពុងមានមានការពេញនិយមប្រើប្រាស់កាន់តែច្រើនឡើងៗ។
អត្ថបទគួរអាន
ការសាងសង់រោងចក្ររបស់ក្រុមហ៊ុន Hyundai និង LG ដែលជាការវិនិយោគរួមគ្នានេះ នឹងត្រូវចាប់ផ្ដើមឡើងនៅត្រីមាសទី ៤ឆ្នាំ២០២១ ហើយនឹងត្រូវសាងសង់រួចរាល់នៅពាក់កណ្ដាលឆ្នាំ២០២៣។
សូមបញ្ជាក់ថា ប្រទេសឥណ្ឌូនេស៊ី កំពុងមានការលើកកម្ពស់ការអភិវឌ្ឍក្នុងស្រុក ទាក់ទងនឹងការផលិតរថយន្ដអគ្គិសនី និងអាគុយរថយន្ដអគ្គិសនី ដើម្បីបង្កើតបាននូវលំហូរឧស្សហកម្មក្នុងវិស័យនេះ ខណៈដែលឥណ្ឌូនេស៊ី គឺជាប្រទេសមួយដែលសម្បូរការផ្គត់ផ្គង់វត្ថុធាតុដើមសម្រាប់បម្រើដល់ការផលិតអាគុយរថយន្ដអគ្គិសនី៕
None
