លោក អ៊ីស្មែល បាននិយាយថា តម្លៃដូងប្រេងគឺស្ថិតនៅក្នុងចំណោមបញ្ហាជាច្រើនដែលមេដឹកនាំម៉ាឡេស៊ី និងឥណ្ឌូនេស៊ី បានពិភាក្សាគ្នានៅក្នុងជំនួបទ្វេភាគីនៅក្នុងទីក្រុងហ្សាកាតានៅប្រទេសម៉ាឡេស៊ី ប៉ុន្តែលោកមិនបានបញ្ជាក់លម្អិតបន្ថែមទៀតលើការពិភាក្សាអំពីដូងប្រេងនេះទេ។
លោក អ៊ីស្មែល បានបន្ថែមទៀតថា តម្លៃប្រេងដូងនេះ គួរតែត្រូវបានកំណត់រួមគ្នា ដោយប្រទេសម៉ាឡេស៊ី និងឥណ្ឌូនេស៊ី ហើយប្រទេសទាំងពីរមិនគួរមានការប្រកួតប្រជែងក្នុងការកំណត់តម្លៃនោះទេ ព្រោះម៉ាឡេស៊ី និងឥណ្ឌូនេស៊ី គឺជាប្រទេសដែលគ្រប់គ្រងការនាំចេញប្រេងដូងសរុបច្រើនជាងគេបំផុតក្នុងពិភពលោក។
សូមបញ្ជាក់ថា ប្រទេសអាស៊ីអាគ្នេយ៍ទាំង២នេះ បានផលិតប្រេងចេញពីផ្លែដូងប្រេងសម្រាប់ផ្គង់ផ្គង់ក្នុងពិភពលោកសរុបប្រហែល ៨៥%។
ទោះយ៉ាងណាក៏ដោយ ប្រទេសឥណ្ឌូនេស៊ីដែលជាប្រទេសផលិតប្រេងដូងច្រើនជាងគេបំផុតនោះ កំពុងខិតខំប្រឹងប្រែងក្នុងការគ្រប់គ្រងតម្លៃប្រេងឆានៅតាមផ្ទះ ខណៈដែលក្រុមអ្នកផលិតប្រេងមួយចំនួនចង់ប្រៀបធៀបតម្លៃសកលទៅនឹងតម្លៃផលិតកម្មរបស់ពួកគេ។ កន្លងមកមន្ត្រីអាជ្ញាធរធ្លាប់បាននិយាយថា តម្លៃក្នុងស្រុក និងអន្តរជាតិមិនគួរណាពាក់ព័ន្ធគ្នានោះទេ។
អត្ថបទគួរអាន
ប្រទេសឥណ្ឌូណេស៊ីកាលពីដើមឆ្នាំនេះ បានរឹតបន្តឹងបរិមាណនាំចេញប្រេងដូង និងកាត់បន្ថយតម្លៃប្រេងដូងឆៅ និងប្រេងអូឡេន (olein) ដែលលក់នៅក្នុងស្រុក ប៉ុន្តែក្រោយមកបានលុបចោលគោលនយោបាយនេះវិញ។
ចំណែក ប្រធានាធិបតីឥណ្ឌូនេស៊ីលោក ចូកូវី (Jokowi) មិនបានធ្វើអត្ថាធិប្បាយជុំវិញតម្លៃប្រេងដូងនៅក្នុងសុន្ទរកថារបស់លោកនោះទេ។
នៅក្នុងកិច្ចប្រជុំនោះដែរ គេបានឃើញមេដឹកនាំទាំង២នេះបានចុះហត្ថលេខាលើអនុស្សារណៈនៃការយោគយល់គ្នា (MoU) ស្ដីពីការជ្រើសរើសពលករ និងការពារពលករឥណ្ឌូនេស៊ី ដែលបម្រើការងារតាមផ្ទះនៅម៉ាឡេស៊ី (PDI) ផងដែរ៕អត្ថបទ៖ សុខ ជា
None
