នាយករដ្ឋមន្ត្រីជប៉ុន ស្នើឱ្យក្រុមហ៊ុនអាជីវកម្មដំឡើងប្រាក់ឈ្នួលឱ្យបានច្រើននៅឆ្នាំក្រោយ
នាយករដ្ឋមន្ត្រីជប៉ុន លោក ស៊ីហ្គេរូ អ៊ីស៊ីបា (Shigeru Ishiba) នឹងស្នើឱ្យក្រុមហ៊ុនអាជីវកម្មអនុវត្តការដំឡើងប្រាក់ឈ្នួលសំខាន់ៗនៅក្នុងការចរចា…
រដ្ឋមន្ត្រីទេសចរណ៍ឥណ្ឌូណេស៊ី លោកស្រី វីឌីយ៉ានទី ពូទ្រី វ៉ាដាណា (Widiyanti Putri Wardhana) បាននិយាយថា ក្រសួងនឹងស្នើឱ្យមានការបង្កើនកញ្ចប់ថវិកាសម្រាប់វិស័យទេសចរណ៍ ឱ្យដល់ជិត១៤២លានដុល្លារ ដើម្បីគាំទ្រដល់កម្មវិធីទេសចរណ៍ជាអាទិភាពរបស់ខ្លួនសម្រាប់ឆ្នាំក្រោយ។ បើតាមការលើកឡើងរបស់រដ្ឋមន្ត្រីរូបនេះ កញ្ចប់ថវិកាដំបូងដែលបានស្នើឡើងសម្រាប់ឆ្នាំ២០២៥ មានទំហំត្រឹមតែជាង៧០លានដុល្លារប៉ុណ្ណោះ ប៉ុន្តែក្រសួងមានការចាំបាច់ដើម្បីស្នើសុំបន្ថែម។
ឥណ្ឌូណេស៊ី ដែលជាប្រទេសមានសេដ្ឋកិច្ចធំជាងគេនៅអាស៊ីអាគ្នេយ៍ បានស្វាគមន៍ភ្ញៀវទេសចរបរទេសជាង១០លាននាក់ នៅក្នុងរយៈពេល៩ខែដំបូងនៃឆ្នាំ២០២៤ ពោលគឺកើនឡើង២០% បើធៀបនឹងរយៈពេលដូចគ្នាកាលពីឆ្នាំមុន។ ជាមួយគ្នានេះ ក្រសួងទេសចរណ៍ឥណ្ឌូនេស៊ី ដាក់គោលដៅទាក់ទាញភ្ញៀវទេសចរបរទេស ឱ្យបាន១៤លាននាក់នៅត្រឹមដំណាច់ឆ្នាំនេះ។
បើតាមការលើកឡើងរបស់លោកស្រី វីឌីយ៉ានទី កម្មវិធីដែលឥណ្ឌូនេស៊ីនឹងដាក់ឱ្យអនុវត្តនៅក្នុងឆ្នាំ ២០២៥ ខាងមុខ អាចរួមមានកម្មវិធីពង្រឹងមោទនភាព នៃការធ្វើដំណើរមកឥណ្ឌូនេស៊ី ដែលរួមមានយុទ្ធនាការ ការរួមបញ្ចូលកញ្ចប់ទេសចរណ៍ ប្រសិទ្ធភាពនៃកញ្ចប់ថ្លៃដឹកជញ្ជូន និងការធ្វើឱ្យប្រសើរឡើងនូវការប្រកួតប្រជែងនៅតាមគោលដៅទេសចរណ៍នានារួមទាំងតាមសហគមន៍។
លោកស្រីបានបន្តថា ឥណ្ឌូនេស៊ី ក៏នឹងពង្រឹងគុណភាពសេវាកម្ម និងធនធានមនុស្ស ហើយក៏នឹងដាក់ចេញនូវកម្មវិធីឃោសនា និងកម្មវិធីបំពាក់កញ្ចប់ជំនួយដល់អ្នកទេសចរតាមការបំពាក់កម្មវិធីជួយសម្រួល ដល់អ្នកទេសចរតាមបញ្ញាសិប្បនិម្មិតជាដើម៕
ដោយៈ សរ សុជាតិ
