ប្រទេសអ៊ីរ៉ាក់ ជាទីតាំងយុទ្ធសាស្ត្រមួយដោយសារប្រទេសនេះ ស្ថិតនៅចន្លោះទ្វីបអឺរ៉ុប និងទ្វីបអាស៊ី ហើយកាលពីសម័យបុរាណ ប្រទេសនេះ ក៏ជាមជ្ឈមណ្ឌលពាណិជ្ជកម្មដ៏សំខាន់មួយផងដែរ។ បច្ចុប្បន្ន ប្រទេសនេះ កំពុងសាងសង់ផ្លូវកាត់សម្រាប់ឱ្យនាវាដឹកជញ្ជូនទំនិញ ដែលមានចម្ងាយប្រមាណ១,១៩០គីឡូម៉ែត្ររវាងទ្វីបអាស៊ី និងអឺរ៉ុប។
គម្រោងព្រែកជីកថ្មីនេះ ជាផ្លូវពាណិជ្ជកម្មដឹកជញ្ជូនដែលនឹងភ្ជាប់កំពង់ផែ Faw Grand របស់អ៊ីរ៉ាក់ ទៅកាន់ប្រទេសតួកគី ដោយកាត់បន្ថយពេលវេលាធ្វើដំណើរយ៉ាងច្រើនសម្រាប់ទំនិញដែលដឹកជញ្ជូនរវាងទ្វីបទាំងពីរនេះ។
គម្រោងព្រែកជីកថ្មីនេះ គ្រោងចំណាយជិត១៧ពាន់លានដុល្លារ នៅក្រោមហិរញ្ញប្បទានរួមគ្នារវាងរដ្ឋាភិបាលអ៊ីរ៉ាក់ និងតួកគី ព្រមទាំងអ្នកវិនិយោគខាងក្រៅផងដែរ។ ថ្មីៗនេះ ព្រែកជីកស៊ុយអេ បានជួបបញ្ហាប្រឈម និងអស្ថិរភាពខ្លះៗ ដោយសារការវាយប្រហារនៅសមុទ្រក្រហមដែលធ្វើឱ្យមានការធ្លាក់ចុះពាណិជ្ជកម្មពិភពលោកយ៉ាងខ្លាំង។
ផ្លូវពាណិជ្ជកម្មនេះ ត្រូវបានគេរំពឹងថា នឹងពង្រឹងឥទ្ធិពលភូមិសាស្ត្រនយោបាយរបស់អ៊ីរ៉ាក់ ធ្វើឱ្យប្រសើរឡើងនូវសន្តិសុខក្នុងតំបន់ និងលើកកម្ពស់ស្ថិរភាព ហើយគម្រោងនេះគ្រោងនឹងបញ្ចប់ជា៣ដំណាក់កាល គឺនៅឆ្នាំ២០២៨ ឆ្នាំ២០៣៣ និងឆ្នាំ២០៥០។ ប្រសិនបើគម្រោងនេះទទួលបានជោគជ័យមែន ព្រែកជីកថ្មីនេះ អាចនាំមកនូវចំណូលរាប់ពាន់លានដល់ប្រទេសអ៊ីរ៉ាក់ និងជួយជំរុញកំណើនសេដ្ឋកិច្ចរបស់ប្រទេសនេះ៕
អត្ថបទ៖ សុខ មង្គល
