កម្ពុជានាំចេញផលិតផលកសិកម្មទៅវៀតណាមតម្លៃជាង ៣,៧ពាន់លានដុល្លារ នៅ១១ខែឆ្នាំ២០២១
នៅរយៈពេល ១១ខែ ក្នុងឆ្នាំ២០២១ ទំហំពាណិជ្ជកម្មនៃការនាំចេញ-ចូល ផលិតផលកសិកម្ម រវាងកម្ពុជា និងវៀតណាមសម្រេចបាន ប្រមាណជាង ៣ពាន់លានដុល្លារដូច…
ការណែនាំរបស់គណៈកម្មាធិការជំនាញ ស្ដីពីជំងឺរាតត្បាតរបស់អ៊ីស្រាអែល ក្នុងការចាក់ដូសទី ៤ នេះ តម្រូវឱ្យប្រើប្រាស់វ៉ាក់សាំង Pfizer ហើយអ្នកដែលចាក់លើកទី ៤ នេះទៀតសោត យ៉ាងហោចណាស់ត្រូវតែ មានរយៈពេល ៤ ខែបន្ទាប់ពីការចាក់លើកទី ៣ របស់ពួកគេ។ យ៉ាងណាមិញ ក្រោយទទួលបានការណែនាំរួច ចំណាត់ការនេះ នឹងត្រូវពិនិត្យ និងសម្រេចទទួលការយល់ព្រមជាលើកចុងក្រោយពីក្រសួងសុខាភិបាលក្នុងប៉ុន្មានថ្ងៃខាងមុខទៀតនេះ។
សូមជម្រាបថា រហូតមកដល់ពេលនេះ ក្រសួងសុខាភិបាលអ៊ីស្រាអែលបានរកឃើញករណីមេរោគបំប្លែងថ្មី អូមីក្រុង ចំនួន ៣៤១ ករណីហើយ។ ទន្ទឹមនេះ រដ្ឋាភិបាលអ៊ីស្រាអែល បានបិទព្រំដែន ចាប់តាំងពីខែវិច្ឆិកាមកម្ល៉េះ ដើម្បីឆ្លើយតបទប់ទល់នឹងមេរោគបំប្លែងថ្មី អូមីក្រុង ហើយឥឡូវនេះរដ្ឋាភិបាល ក៏បានហាមឃាត់ពលរដ្ឋរបស់ខ្លួន និងអ្នករស់នៅអចិន្ត្រៃយ៍ក្នុងប្រទេសនេះ ពីការធ្វើដំណើរទៅកាន់ប្រទេសជាង ៥០ ដែលមាននៅក្នុងបញ្ជីក្រហម ក្នុងនោះរួមមាន សហរដ្ឋអាមេរិក ចក្រភពអង់គ្លេស បារាំង អាល្លឺម៉ង់ អ៊ីតាលី អេស្ប៉ាញ និងភាគច្រើនប្រទេសក្នុងទ្វីបអាហ្វ្រិកផងដែរ។
ជាមួយគ្នានេះ យោងតាមក្រសួងសុខាភិបាលអ៊ីស្រាអែល ពលរដ្ឋដែលមានសិទ្ធិទទួលបានការចាក់វ៉ាក់សាំង មានស្ទើរតែ ៧០ភាគរយ នៃប្រជាជនជាង ៩ លាននាក់ ខណៈ ៤៥% បានទទួលការចាក់ដូសជំរុញ ។
សូមរំឮកថា ពលរដ្ឋអ៊ីស្រាអែល គឺជាមនុស្សដំបូងគេនៅលើពិភពលោកដែលបានទទួលវ៉ាក់សាំងដូសជំរុញ ឬដូសទីបី នៅអំឡុងពេលលេចឡើងនៃមេរោគបំប្លែង ឌែលតា ហើយ ឥឡូវនេះ អ៊ីស្រាអែលក៏កំពុងបន្តក្លាយជាប្រទេសដំបូងគេជាថ្មីម្ដងទៀត ក្នុងការចាក់វ៉ាក់សាំងលើកទី ៤ ជូនពលរដ្ឋ ដើម្បីប្រឆាំងមេរោគបំប្លែងថ្មី អូមីក្រុង៕
អត្ថបទ៖ ស៊ើង និមល់
None
