ប្រសិនបើត្រូវបានអនុម័តនោះ ថ្នាំម៉ូលនូផាយរ៉ាវៀរ របស់ក្រុមហ៊ុនMerck នឹងក្លាយជាថ្នាំគ្រាប់ដំបូងត្រូវបានអនុញ្ញាតឱ្យប្រើប្រាស់នៅក្នុងប្រទេសជប៉ុន ដើម្បីព្យាបាលករណីស្រាលទៅមធ្យមនៃជំងឺកូវីដ១៩។ ជប៉ុនបានចុះហត្ថលេខាលើកិច្ចសន្យាទិញថ្នាំគ្រាប់នេះ ប្រមាណ ១ពាន់ ២រយលានដុល្លារ រួចហើក្នុងបរិមាណថ្នាំ ១លាន៦សែនកញ្ចប់។
ប្រសិនបើការអនុម័តត្រូវបានយល់ព្រម នោះថ្នាំប្រហែល ២០ម៉ឺនកញ្ចប់ដំបូងនឹងត្រូវចែកចាយដល់មន្ទីរពេទ្យ និងគ្លីនិកក្នុងខែនេះ និង ៤០ម៉ឺនកញ្ចប់ទៀត នៅថ្ងៃទី ៣១ ខែមីនា។
សូមជម្រាបថា ក្រសួងសុខាភិបាលជប៉ុន ថ្មីៗនេះបានអនុម័តការព្យាបាល ដោយអង់ទីគ័រ តាមរយៈការចាក់ ដែលបង្កើតឡើងដោយឱសថ Chugai របស់ប្រទេសជប៉ុន និងជាក្រុមហ៊ុនផលិតថ្នាំមួយរបស់អង់គ្លេស ដើម្បីព្យាបាលអ្នកំជងឺកូវីដ១៩ ពីកម្រិតស្រាលទៅមធ្យមផងដែរ។ ដោយឡែក សម្រាប់ថ្នាំគ្រាប់របស់ Merck ពលរដ្ឋជប៉ុនអាចអាចព្យាបាលនៅផ្ទះ តាមរយៈការលេបថ្នាំគ្រាប់នេះ។
ក្នុងអំឡុងពេលនៃការសាកល្បងប្រភេទថ្នាំម៉ូលនូផាយរ៉ាវៀរ របស់ក្រុមហ៊ុន Merck ជាលទ្ធផលចុងក្រោយ បង្ហាញថា វាអាចកាត់បន្ថយការចូលមន្ទីរពេទ្យ និងការស្លាប់ចំនួន ៣០% ក្នុងចំណោមអ្នកជំងឺដែលមានរោគសញ្ញាស្រាលទៅមធ្យម ឬអាចមានហានិភ័យអាចវិវត្តទៅជារោគសញ្ញាធ្ងន់ធ្ងរ ខណៈដែលពីមុន ក្រុមហ៊ុន Merck ធ្លាប់អះអាងថា ប្រសិទ្ធភាពរបស់វាមានដល់ ៥០%។អត្ថបទគួរអាន
ទន្ទឹមនេះក្រុមហ៊ុនបុត្រសម្ព័ន្ធរបស់ជប៉ុនមួយឈ្មោះ MSD បាននិយាយថា ថ្នាំគ្រាប់នេះត្រូវបានគេរំពឹងថានឹងមានប្រសិទ្ធភាពប្រឆាំងនឹងមេរោគបំប្លែងថ្មី អូមីក្រុង ផងដែរ។
សូមរំឮកថា ក្រៅ តែពីជប៉ុន ថ្មីៗនេះចក្រភពអង់គ្លេស បានក្លាយជាប្រទេសដំបូងគេដែលអនុម័តឱ្យប្រើប្រាស់ថ្នាំគ្រាប់ព្យាបាលកូវីដនេះ ហើយក្រោយមក សហភាពអឺរ៉ុបក៏បានផ្តល់ការណែនាំឱ្យប្រើប្រាស់ថ្នាំគ្រាប់នេះជាបន្ទាន់សម្រាប់រដ្ឋជាសមាជិកទាំងអស់ផងដែរ៕
អត្ថបទ៖ ស៊ើង និមល់
None
