វៀតណាម គ្រោងដាក់ចេញពន្ធលើកទឹកចិត្តដ៏សម្បើម ដើម្បីទាក់ទាញការវិនិយោគលើបន្ទះឈីប
ប្រទេសវៀតណាម កំពុងរៀបចំបញ្ជីអត្ថប្រយោជន៍សម្រាប់ក្រុមហ៊ុនបន្ទះឈីប មានចាប់ពីការបន្ធូរបន្ថយពន្ធរហូតដល់ការនាំចេញដ៏ឆាប់រហ័ស ដើម្បីទាក់ទាញការ…
សារព័ត៌មាន the Edge បានរាយការណ៍ថា ក្រុមហ៊ុន JPMorgan Chase & Co កំពុងបោះបង់ចោលការណែនាំឱ្យអតិថិជនរបស់ខ្លួនទិញភាគហ៊ុននានារបស់ចិន ដោយលើកឡើងពីភាពប្រែប្រួលកើនឡើងជុំវិញការបោះឆ្នោតនៅសហរដ្ឋអាម៉េរិក នាពេលខាងមុខ បន្ថែមពីលើការកើនឡើង នៃនិន្នាកាប្រឆាំងនឹងឥទ្ធិពលចិន នៅលើពិភពលោក។
លោក ភេដ្រូ ម៉ាទិន (Pedro Martins) អ្នកយុទ្ធសាស្រ្តសេដ្ឋកិច្ចរបស់ក្រុមហ៊ុន JPMorgan Chase & Co បានសរសេរនៅក្នុងកំណត់ត្រាមួយថា អព្យាក្រិត្យភាពរបស់ប្រទេសចិន នៅក្នុងទីផ្សារហិរញ្ញវត្ថុ កំពុងត្រូវបានបន្ទាប ហើយឥទ្ធិពលនៃគំនាបសង្គ្រាមពាណិជ្ជកម្មរវាងទីក្រុងវ៉ាស៊ីនតោន និងទីក្រុងប៉េកាំង អាចពិបាកព្យាកររហូតដល់ដំណើរការបោះឆ្នោតប្រធានាធិបតីអាម៉េរិក ក្នុងខែវិច្ឆិកា បានបញ្ចប់។
លោកបានបន្តទៀតថា ក្រៅពីបញ្ហានៅអាម៉េរិក វិធានការស្តារសេដ្ឋកិច្ចរបស់រដ្ឋាភិបាលចិន ក្រោមការដឹកនាំរបស់លោកប្រធានាធិបតីចិន ស៊ី ជីនពីង ដើម្បីជួយទាញប្រទេសចេញពីការធ្លាក់ចុះនៃសេដ្ឋកិច្ចរបស់ខ្លួនក៏នៅតែបន្តមានភាពស្រពេចស្រពិលនៅឡើយ។
លោកបានបន្តថា សង្រ្គាមពន្ធ 2.0 ឫសង្រ្គាមពន្ធដំណាក់កាលទី២ អាចធ្វើឲ្យទំនិញចិន រងសម្ពាធពន្ធកើនឡើងពី ២០% ទៅ៦០% ពោលគឺរិតតែធ្ងន់ធ្ងរជាងសង្រ្គាមពន្ធដំណាក់កាលដំបូង ដូច្នេះលោករំពឹងថា កំណើនរយៈពេលវែងរបស់ប្រទេសចិននឹងមាននិន្នាការធ្លាក់ចុះជាលំដាប់ ដោយសារតែការផ្លាស់ប្តូរទីតាំងនៃខ្សែច្រវាក់ផ្គត់ផ្គង់ ការពង្រីកជម្លោះរវាងសហរដ្ឋអាម៉េរិក និងចិន ព្រមទាំងការអូសបន្លាយពេលនៃ បញ្ហាក្នុងស្រុករបស់មហាអំណាចទាំងពីរ៕
ដោយៈ សរ សុជាតិ
None
