ធនាគារជាតិ ក្រើនរម្លឹកដល់ធនាគារនិងគ្រឹះស្ថានឥណទាន មិនឲ្យយកអត្តសញ្ញាណប័ណ្ណ ឬសៀវភៅគ្រួសារជាការធានាសម្រាប់ការផ្តល់កម្ចី

តាមពិតទៅ ធនាគារជាតិនៃកម្ពុជា ធ្លាប់បានចេញសេចក្តីជូនដំណឹងបែបនេះម្តងរួចមកហើយកាលកាលពីឆ្នាំ២០១៦ ប៉ុន្ដែ​ធនាគារជាតិបានសង្កេតឃើញថា គ្រឹះស្ថានធនាគារ និងហិរញ្ញវត្ថុ និងគ្រឹះស្ថានឥណទានមួយចំនួន មិនទាន់បានអនុវត្តពេញលេញតាមសេចក្តីជូនដំណឹងខាងលើនោះឡើយ។

យ៉ាងណាក៏ដោយ ក្នុងសេចក្តីប្រកាសលើកនេះ ធនាគារជាតិនៃកម្ពុជា ក៏មិនបានបង្ហាញឈ្មោះ ឬដាក់ទណ្ឌកម្មពិន័យលើគ្រឹះស្ថានធនាគារនិងហិរញ្ញវត្ថុ និងគ្រឹះស្ថានឥណទាណាមួយឡើយ។ 

បើតាមសេចក្តីប្រកាសថ្មីនេះ ក្នុងករណីគ្រឹះស្ថានធនាគារនិងហិរញ្ញវត្ថុ និងគ្រឹះស្ថានឥណទានជនបទ  នៅតែបន្តសកម្មភាព និងមិនយកចិត្តទុកដាក់អនុវត្តន៍សេចក្តីជូនដំណឹងកន្លងមកនេះទេ គ្រឹះស្ថាននោះ នឹងទទួលរងទណ្ឌកម្មផ្នែកវិន័យធ្ងន់ធ្ងរ រហូតដល់ដកអាជ្ញាប័ណ្ណអាជីវកម្មទៀតផង៕