នៅក្នុងពិធីចុះអនុស្សរណយោគយល់គ្នានោះដែរ លោកឧកញ៉ា លី ហួរ ប្រធានក្រុមប្រឹក្សាភិបាលនៃក្រុមហ៊ុន លី ហួរ គ្រុប បានថ្លែងថា បន្ទាប់ពីការអនុស្សរណៈនេះទៅ បុគ្គលិកធ្វើការនៅក្រុមហ៊ុននានា ដែលជាបុត្រសម្ព័ន្ធរបស់ក្រុមហ៊ុនលីហួរ គ្រុប គ្រប់កម្រិត នឹងទទួលបានការថែទាំសុខភាពជាប្រចាំ ពីមជ្ឈមណ្ឌលថែរក្សាសុខភាពស៊ីងហ្គាពួរ មេឌីខល សេនធ័រនេះ។
លោកឧកញ៉ា លី ហួរ បានបញ្ជាក់ថា៖« ក្រុមហ៊ុនចំណាយប្រចាំឆ្នាំ មិនតិចជាង៣០ម៉ឺនដុល្លារទេ សម្រាប់បុគ្គលិក២ពាន់នាក់នេះ អញ្ចឹងយើងអត់មានប្រកាន់ថា បុគ្គលិកថ្នាក់ណា ឋានៈណា គឺអត់ទេ តាំងពីថ្នាក់លើរហូតដល់ថ្នាក់ក្រោម ត្រូវបានឆែកសុខភាពទាំងអស់»។
ចំពោះមូលហេតុដែលលោកឧកញ៉ាជ្រើសរើសមជ្ឈមណ្ឌលថែរក្សាសុខភាព ស៊ីងហ្គាពួរ មេឌីខល សេនធ័ររបស់ឧកញ៉ា សៀ ឫទ្ធី ជាដៃគូ ត្រូវបានលោកអះអាងថា មជ្ឈមណ្ឌលនេះមានស្តង់ដាមួយដែលត្រូវបានទទួលស្គាល់ដោយមន្ទីរពេទ្យធំៗនៅប្រទេសសិង្ហបុរី ដែលជាប្រទេសមួយល្បីល្បាញលើផ្នែកវេជ្ជសាស្ត្រសុខាភិបាលនេះ។
អត្ថបទទាក់ទង!
ចំណែក លោកឧកញ៉ា សៀ ឫទ្ធី ប្រធានក្រុមប្រឹក្សាភិបាលនៃក្រុមហ៊ុន WorldBridge Group និងជាប្រធាននាយកប្រតិបត្តិនៃមណ្ឌលវេជ្ជសាស្ត្រ ស៊ីងហ្គាពួរ មេឌីខន សិនធ័រវិញ បានឲ្យដឹងដែរថា មជ្ឈមណ្ឌលវេជ្ជសាស្ត្រសិង្ហបុរីកម្ពុជា ត្រូវបានបង្កើតឡើងដោយមានគោលដៅចម្បងក្នុងការផ្ដល់នូវបទដ្ឋាន វេជ្ជសាស្ត្រប្រកបដោយឧត្តមភាពរបស់ប្រទេសសិង្ហបុរីជូនដល់ប្រជាជនកម្ពុជា។
លោកឧកញ៉ា សៀ ឫទ្ធី បានបញ្ជាក់ថា៖« ចំពោះស៊ីងហ្គាពួរ មេឌីខន សិនធ័រ គឺជាការសហការរវាង WorldBridge Group ជាមួយនឹងដៃគូរបស់យើងនៅឯប្រទេសសិង្ហបុរី ហើយការបោះទុន គឺចែកចេញជា៣វគ្គ ដោយគ្រាន់តែវគ្គដំបូង យើងបោះទុនរហូតដលទៅ៥លានដុល្លារ ដើម្បីឲ្យមជ្ឈមណ្ឌលវេជ្ជសាស្ត្រស៊ីហ្គាពួរ មេឌីខន សិនធ័រនេះ សម្រាប់ជាកន្លែងត្រួតពិនិត្យ និងព្យាបាល ហើយនឹងនៅមានបន្តបន្ទាប់ទៀត ព្រោះថាគោលដៅយើង យើងចង់ឲ្យវិស័យសុខាភិបាលនេះ មានស្តង់ដាអាច ចូលទៅដូចប្រទេសជិតខាងយើងបាន»។
បើតាមលោកឧកញ៉ា សៀ ឫទ្ធី មជ្ឈមណ្ឌលថែរក្សាសុខភាព ស៊ីងហ្គាពួរ មេឌីខល សេនធ័រនេះ ក៏ដើម្បីកាត់បន្ថយការចំណាកស្រុករបស់ពលរដ្ឋខ្មែរទៅព្យាបាលនៅក្រៅប្រទេសឲ្យបានជាអតិបរមា ខណៈដែលនៅអំឡុងពេល កូវីដ-១៩នេះ ពលរដ្ឋដែលទៅស្វែង រកការពិនិត្យ សុខភាព នៅមជ្ឈមណ្ឌលនេះ មានការកើនឡើង៕
None
