ការបើកការជួញដូរប្រេងឆៅនៅក្នុងថ្ងៃទី ១ ខែធ្នូ ឆ្នាំ២០២០ នៅលើទីផ្សារប្រេងឆៅ Brent មានការធ្លាក់ចុះតម្លៃ ២០ សេន ឬស្មើនឹងអត្រា ០,៤% ពោលគឺក្នុងមួយបារ៉ែលលក់បានប្រមាណ ជាង៤៧ ដុល្លារ ៦៨ សេន។ ការធ្លាក់ចុះនេះ បន្ទាប់ពី នៅថ្ងៃទី ៣០ ខែវិច្ឆិកា តម្លៃប្រេងក៏បានធ្លាក់ចុះដល់ទៅ ជាង១%ដែរ។ សម្រាប់ទីផ្សារប្រេងឆៅ West Texas Intermediate វិញ មានការធ្លាក់ចុះ ២៧ សេន ឬស្មើនឹងអត្រាធ្លាក់ចុះ ០,៦% ពោលគឺ១បារ៉ែលលក់បានប្រមាណ ៤៥ដុល្លារអាមេរិក។
ទោះយ៉ាងណា ទីផ្សារតម្លៃប្រេងទាំងពីរនេះ បានកើនឡើងនៅម្ដុំ ២៧% កាលពីខែវិច្ឆិកា ដែលជាខែមួយធ្វើបានល្អបំផុតសម្រាប់ទីផ្សារប្រេងឆៅ បើគិតតាំងពីខែមីនាមក ដោយសារតែខែវិច្ឆិកាកន្លងទៅនេះ មានដំណឹងពីការអភិវឌ្ឍវ៉ាក់សាំងកូវី-១៩ បានធ្វើឲ្យការកើនឡើងនូវក្ដីសង្ឃឹមនៃការស្ដារសេដ្ឋកិច្ចឡើងវិញ ដែលវាបានអាចជំរុញដល់តម្រូវការប្រេងឥន្ធនៈឲ្យមានសន្ទុះងើបឡើងវិញ។
អត្ថបទទាក់ទង!
អង្គការប្រទេសផលិតប្រេង OPEC+ បានពន្យារពេលពិភាក្សាអំពីគោលនយោបាយទិន្នផលប្រេង នៅឆ្នាំក្រោយ ខណៈដែលតួអង្គសំខាន់ៗនៃអង្គការនេះ នៅមិនទាន់យល់ស្របលើបរិមាណប្រេងដែលពួកគេគួរតែបូមនៅពេលមានតម្រូវការទាប។
អង្គការ OPEC+នឹងបន្ធូរបន្ថយការកាត់បន្ថយផលិតកម្មនាពេលបច្ចុប្បន្ន មកនៅត្រឹម២លានបារ៉ែលក្នុងមួយថ្ងៃ ចាប់ពីខែមករាមក ប៉ុន្ដែ ដោយសារតម្រូវការស្ថិតនៅក្រោមសម្ពាធ នៃជំងឺកូវីដ-១៩ អង្គការនេះ ក៏បាននិងកំពុងពិចារណា ពង្រីកបន្ថែមការកាត់បន្ថយផលិតកម្មរបស់ខ្លួនទៀត នៅក្នុងប៉ុន្មានខែដំបូងនៅឆ្នាំក្រោយនេះផងដែរ។
None
