ប្រមុខការទូតចិនថា អាម៉េរិកនៅធ្វើខុសចំពោះចិន ពាក់ព័ន្ធបញ្ហាកោះតៃវ៉ាន់
លោក វ៉ាង យី ប្រមុខការទូតចាស់វង្សារបស់ចិន បានបញ្ជូនសារច្បាស់ៗប្រាប់ពិភពលោក អំពីបញ្ហាអធិបតេយ្យភាពនៅកោះតៃវ៉ាន់ ហើយលោកក៏បានបញ្ជាក់ផងដែរថ…
សារព័ត៌មានធំៗបានរាយការណ៍ថា តម្លៃប្រេងឆៅនៅលើទីផ្សារអន្តរជាតិ បានពុះកញ្រ្ជោលជាថ្មីម្តងទៀតនៅពាក់កណ្តាលសប្តាហ៍នេះ ដោយមួយធុងបារ៉ែល បានកើនឡើង២%។តម្លៃប្រេងឆៅនៅទីផ្សារអន្តរជាតិ កាលពីថ្ងៃពុធ បានឡើងថ្លៃ១,៦៥ដុល្លារ ឫ២% ដែលជំរុញឱ្យប្រេងក្នុងមួយធុងបារ៉ែល មានតម្លៃ៨៣,៦៩ដុល្លារ ស្របពេលដែលនៅទីផ្សារសហរដ្ឋអាម៉េរិកវិញ គឺឡើងថ្លៃ២,៧% ឫប្រមាណជា២ដុល្លារ ដូច្នេះតម្លៃប្រេងឆៅនៅទីនោះ១បារ៉ែលថ្លៃ ៨០,២២ដុល្លារ។
ជុំវិញការកើនឡើងតម្លៃប្រេងឆៅនេះ ត្រូវបានអ្នកវិភាគអះអាងថា អាចដោយសារតែមានការប៉ាន់ប្រមាណថា តម្រូវការប្រេងនឹងកើនឡើង ស្របពេលដែលធនាគារកណ្តាលសហរដ្ឋអាម៉េរិក បង្ហាញសេចក្តីសង្ឃឹមពីការបញ្ចុះអត្រាការប្រាក់នៅពាក់ឆមាសទី១នៃឆ្នាំ២០២៤ ខាងមុខ និងពាក់ព័ន្ធនឹងការសើរើស្តុកប្រេងឥន្ធនៈនៅសហរដ្ឋអាម៉េរិក។
រដ្ឋបាលព័ត៌មានថាមពលរបស់សហរដ្ឋអាម៉េរិក (EIA) បាននិយាយថា បរិមាណស្តុកបម្រុងប្រេងរបស់អាម៉េរិក បានធ្លាក់ចុះ ប៉ុន្តែក្រុមហ៊ុនថាមពលអាមេរិក បានបន្ថែមស្តុកប្រេងឆៅតិច។ជាក់ស្តែងនៅដើមខែមីនា នេះ ក្រុមហ៊ុនថាមពលអាម៉េរិក បានសម្រេចបន្ថែមបរិមាណស្តុកប្រេងឆៅត្រឹមតែ១,៤លានបារ៉ែលប៉ុណ្ណោះ ខណៈដែលជាធម្មតាអាម៉េរិកតែងបំពេញស្រុកនៅក្នុងកម្រិតប្រមាណជា២,១លានបារ៉ែល។
ការកើនឡើងតម្លៃប្រេងឆៅនៅលើទីផ្សារអន្តរជាតិនេះ វាអាចនឹងជំរុញឱ្យតម្លៃប្រេងលក់រាយនៅកម្ពុជាមានការកើនឡើងផងដែរ។ យោងតាមចំណាត់ការរបស់ក្រសួងពាណិជ្ជកម្ម និងក្រសួងរ៉ែនិងថាមពល ចាប់ពីថ្ងៃទី១ ដល់ថ្ងៃទី១០ ខែមីនា ឆ្នាំ២០២៤ ប្រេងម៉ាស៊ូតនៅកម្ពុជាលក់ចេញក្នុងតម្លៃ៤,២០០រៀល ប្រេងសាំងធម្មតា៤,៣០០រៀល និងប្រេងសាំងស៊ុបពែរ៤, ៩៥០រៀលនៅក្នុងមួយលីត្រ៕
None
