![ឧបនាយករដ្ឋមន្រ្តីប្រចាំការ វង្សី វិស្សុត](https://cdn.cambonomist.com/media/images/Thumnbnail-3.2e16d0ba.fill-960x540.jpg)
សេចក្តីព្រាងច្បាប់ស្តីពីការដឹកជញ្ជូនតាមផ្លូវទឹកមាន២៨០មាត្រា និង១៨ជំពូក ហើយត្រូវបានរៀបចំឡើងដោយច្របាច់បញ្ចូលនូវសេចក្តីព្រាងច្បាប់ចំនួន៣រួមមាន៖ សេចក្តីព្រាងច្បាប់ស្តីពីការដឹកជញ្ជូនតាមផ្លូវសមុទ្រ សេចក្តីព្រាងច្បាប់ស្តីពីការដឹកជញ្ជូនតាមផ្លូវទឹក និងសេចក្តីព្រាងច្បាប់ស្តីពីកំពង់ផែ។
![19](https://cdn.cambonomist.com/media/images/19_IkFTf2b.original.jpg)
សេចក្តីព្រាងច្បាប់ស្តីពីការដឹកជញ្ជូនតាមផ្លូវទឹកនេះ កំណត់អំពីការគ្រប់គ្រង និងការអភិវឌ្ឍវិស័យ ដឹកជញ្ជូនតាមផ្លូវទឹក និងកំពង់ផែនៃព្រះរាជាណាចក្រកម្ពុជា ក្នុងគោលបំណងដើម្បីរក្សាសណ្តាប់ធ្នាប់ ធានាសុវត្ថិភាព និងសន្តិសុខនៃការដឹកជញ្ជូនតាមផ្លូវទឹក ព្រមទាំងកសាង និងថែរក្សាការពារហេដ្ឋារចនាសម្ព័ន្ធពាក់ព័ន្ធ និងរួមចំណែកការពារបរិស្ថាន ព្រមទាំងផ្តល់កាលានុវត្តភាពវិនិយោគ និងការប្រកួតប្រជែង ប្រកបដោយយុត្តិធម៌ សមធម៌ និងតម្លាភាព សម្រាប់បម្រើពាណិជ្ជកម្មជាតិ និងអន្តរជាតិ និងទ្រទ្រង់ការអភិវឌ្ឍសេដ្ឋកិច្ចជាតិ។
![12](https://cdn.cambonomist.com/media/images/12_XnSROtM.original.jpg)
សេចក្តីព្រាងច្បាប់ស្តីពីការដឹកជញ្ជូនតាមផ្លូវទឹកនេះ នឹងចូលរួមជំរុញការអភិវឌ្ឍហេដ្ឋារចនាសម្ព័ន្ធផ្លូវទឹក កំពង់ផែ និងការដឹកជញ្ជូនតាមផ្លូវទឹក ដែលជាសរសៃឈាមនៃប្រព័ន្ធគមនាគមន៍ និងឡូជីស្ទីកដ៏សំខាន់នៅកម្ពុជា ពិសេសការដឹកជញ្ជូនតាមទន្លេក្នុងប្រទេស ដែលមានថ្លៃថោក តែបច្ចុប្បន្នមិនទាន់ត្រូវបានប្រើប្រាស់ឱ្យអស់សក្តានុពល និងមានប្រសិទ្ធភាពនៅឡើយ ក៏ដូចជាដើម្បីដោះស្រាយបញ្ហាប្រឈមមួយចំនួនក្នុងវិស័យដឹកជញ្ជូនតាមផ្លូវទឹក ដើម្បីឆ្លើយតបទៅនឹងដំណើរវិវត្តន៍ឈានឡើងជាលំដាប់នៃសង្គម-សេដ្ឋកិច្ចកម្ពុជា ក្នុងដំណើរឆ្ពោះទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០៕
![36](https://cdn.cambonomist.com/media/images/36.original.jpg)
![22](https://cdn.cambonomist.com/media/images/22_hzESVzh.original.jpg)
![39](https://cdn.cambonomist.com/media/images/39.original.jpg)
![13](https://cdn.cambonomist.com/media/images/13_0uZEmoQ.original.jpg)
![41](https://cdn.cambonomist.com/media/images/41.original.jpg)
![40](https://cdn.cambonomist.com/media/images/40.original.jpg)
![25](https://cdn.cambonomist.com/media/images/25.original.jpg)
![32](https://cdn.cambonomist.com/media/images/32.original.jpg)
![26](https://cdn.cambonomist.com/media/images/26.original.jpg)
![47](https://cdn.cambonomist.com/media/images/47.original.jpg)
![28](https://cdn.cambonomist.com/media/images/28_33Dfn6M.original.jpg)
![31](https://cdn.cambonomist.com/media/images/31.original.jpg)