នេះបើតាមរបាយការណ៍ពីក្រសួងកសិកម្ម រុក្ខាប្រមាញ់ និងនេសាទ។
ក្នុងអំឡុង៩ខែដើមឆ្នាំ២០១៧ដដែល តម្លៃជ័រកៅស៊ូក្រែប ជាមធ្យម ១តោនតម្លៃ ១៦៧២ដុល្លារ ពោលគឺកើនឡើង ៥៧៨ដុល្លារក្នុងមួយតោន ធៀបនឹងរយៈពេលដូចគ្នាកាលពីឆ្នាំ២០១៦។
ជាមួយគ្នានេះ ទំហំផ្ទៃដីក្នុងការដាំដុះកៅស៊ូសម្រាប់រយៈពេល៩ខែឆ្នាំនេះ ពុំសូវមានការប្រែប្រួលខ្លាំងនោះទេ ពោលគឺមានផ្ទៃដីដាំដុះកៅស៊ូសរុបប្រមាណជាង ៤៣ម៉ឺនហិកតា ដោយក្នុងនោះ ផ្ទៃដីដែលអាចចៀរជ័របាន មានតែ១៦ម៉ឺនហិកតាប៉ុណ្ណោះ។
លោកឧកញ៉ា ម៉ក់ គឹមហុង ប្រធានសមាគមកៅស៊ូកម្ពុជា បានឲ្យដឹងថា នៅដើមឆ្នាំនេះ តម្លៃកៅស៊ូបានងើបឡើងគួរឲ្យកត់សម្គាល់ និងបានផ្ដល់នូវក្ដីសង្ឃឹមសម្រាប់ម្ចាស់ចម្ការកៅស៊ូឡើងវិញ ពោលគឺមានតម្លៃខ្ពស់បំផុតបានជាង ២៥០០ដុល្លារក្នុងមួយតោនដែរ។
តើអ្នកបានអានអត្ថបទនេះ ឬនៅ?
លោកថា ទីផ្សារធំបំផុតគឺត្រូវបាននាំចេញទៅប្រទេសចិន ម៉ាឡេស៊ី និងសាំងហ្គាពួរជាដើម។ លោកបន្ថែមថា កត្តាអាកាសធាតុភ្លៀងធ្លាក់ច្រើននៅឆ្នាំនេះ ក៏បានធ្វើឲ្យចម្ការកៅស៊ូមួយចំនួនប្រឈមនឹងជំងឺផ្សិត ដែលប៉ះពាល់ដល់ទិន្នផលកៅស៊ូខ្លះផងដែរ។
សូមជម្រាបថា កាលពីឆ្នាំ២០១៦កន្លងទៅ កម្ពុជាលក់កៅស៊ូរបស់ខ្លួនបានប្រមាណជិត ១៣ម៉ឺនតោន ដោយកាលនោះ តម្លៃកៅស៊ូបានធ្លាក់ចុះមកនៅតែប្រមាណ ១០៤២ដុល្លារប៉ុណ្ណោះក្នុងមួយតោន តែសម្រាប់រយៈពេលជាងពាក់កណ្ដាលឆ្នាំនេះ ឃើញថា តម្លៃកៅស៊ូបានងើបឡើងវិញគួរឲ្យកត់សម្គាល់ ពោលគឺ មានតម្លៃជាមធ្យមប្រមាណ ១៦៧២ដុល្លារក្នុង១តោន៕
