ធនាគារកណ្តាលថៃ និងស្ថាប័នពាក់ព័ន្ធកំពុងដុតដៃដុតជើងស្វែងរកមធ្យោបាយដោះស្រាយបំណុលជូនពលរដ្ឋ
ព័ត៌មាន
•
ធនាគារកណ្តាលថៃ និងស្ថាប័នពាក់ព័ន្ធកំពុងធ្វើការជាមួយគ្នា ដើម្បីកាត់បន្ថយបញ្ហាបំណុលគ្រួសារជូនពលរដ្ឋ ពោលគឺធានាថា ពួកគេអាចមានលទ្ធភាពដោះស្រាយ…
ការប្រកាសនេះធ្វើឡើងបន្ទាប់ពីប្រទេសរុស្ស៊ីទើបតែដកខ្លួនចេញពីកិច្ចព្រមព្រៀងគ្រាប់ធញ្ញជាតិសមុទ្រខ្មៅ ដែលជាច្រកដ៏សំខាន់ក្នុងការនាំចេញទំនិញស្បៀងអាហារពីប្រទេសអ៊ុយក្រែនទៅកាន់ពិភពលោក។ នេះបើយោងតាមការចុះផ្សាយដោយសារព័ត៌មានរ៉យទ័រ។
ថ្លែងចេញពីទីក្រុង St Petersburg ក្នុងកិច្ចប្រជុំរុស្ស៊ី-អាហ្វ្រិក ដែលប្រព្រឹត្តឡើងរយៈពេលពីរថ្ងៃគឺនៅថ្ងៃ២៧ និង២៨ខែកក្កដានេះ មានការចូលរួមពីបណ្តាមេដឹកនាំ និងអ្នកតំណាងប្រទេសអាហ្វ្រិកជាង៥០ប្រទេសនោះ លោកពូទីនមេដឹកនាំរុស្ស៊ីបានប្រកាសថា៖ «ប្រទេសរុស្ស៊ីបានត្រៀមខ្លួនរួចជាស្រេច ដើម្បីជំនួសការនាំចេញគ្រាប់ធញ្ញជាតិរបស់អ៊ុយក្រែនទៅកាន់ទ្វីបអាហ្រ្វិកទាំងលើមូលដ្ឋានពាណិជ្ជកម្ម និងតាមលក្ខណៈជំនួយ ដើម្បីបំពេញនូវអ្វីដែលលោកថា គឺជាតួនាទីដ៏សំខាន់របស់ទីក្រុងម៉ូស្គូក្នុងការរក្សាឱ្យបាននូវសន្តិសុខស្បៀងពិភពលោក»។
លោកក៏បានគូសបញ្ជាក់នៅក្នុងកិច្ចប្រជុំនោះថា "យើងនឹងត្រៀមខ្លួនរួចជាស្រេចដើម្បីផ្តល់ឱ្យប្រទេស ប៊ូគីណាហ្វាសូ, ហ្ស៊ីមបាវ៉េ, ម៉ាលី, សូម៉ាលី, សាធារណរដ្ឋអាហ្វ្រិកកណ្តាល និងអេរីទ្រា ជាមួយនឹងគ្រាប់ធញ្ញជាតិពី ២ម៉ឺន៥ពាន់ ទៅ៥ម៉ឺនតោនដោយឥតគិតថ្លៃសម្រាប់ប្រទេសនីមួយៗក្នុងរយៈពេល៣ទៅ៤ខែបន្ទាប់»។ លោកថា កាលពីឆ្នាំមុន រុស្ស៊ីបាននាំចេញគ្រាប់ធញ្ញជាតិ៦០លានតោនទៅកាន់ទីផ្សារពិភពលោក ដែលក្នុងនោះ មាន៤៨លានតោនជាស្រូវសាលី។
ទោះយ៉ាងណា ប្រទេសអាហ្វ្រិកភាគច្រើន ដែលរុស្ស៊ីសន្យាផ្តល់គ្រាប់ធញ្ញជាតិជូនខាងលើនេះ សុទ្ធសឹងតែមានទំនាក់ទំនងជិតស្និទ្ធជាមួយទីក្រុងម៉ូស្គូរួចទៅហើយ។ ប្រធានាធិបតីហ្ស៊ីមបាវ៉េថា លោកពិតមានការដឹងគុណរុស្ស៊ីណាស់ ទោះបីជាប្រទេសរបស់លោកមានគ្រាប់ធញ្ញជាតិគ្រប់គ្រាន់ ក្នុងការធានាសន្តិសុខស្បៀងរបស់ខ្លួនរួចហើយក្តី។
គួរជម្រាបថា ចាប់តាំងពីរុស្ស៊ីបានដកខ្លួនចេញពីកិច្ចព្រមព្រៀងគ្រាប់ធញ្ញជាតិសមុទ្រខ្មៅកាលពីប៉ុន្មានមុននេះ ព្រមទាំងការវាយប្រហារលើឃ្លាំងផ្ទុកស្បៀងអ៊ុយក្រែនពីសំណាក់យោធារុស្ស៊ីនៅកំពង់ផែទន្លេ Danubeផងនោះ បានទាញឱ្យតម្លៃស្រូវសាលីពិភពលោក កើនឡើងប្រមាណ ១០% ត្រឹមរយៈ១០ថ្ងៃ។
មួយវិញទៀត ពូទីនថា ទណ្ឌកម្មដែលលោកខាងលិចដាក់លើរុស្ស៊ី បានរារាំងរុស្ស៊ីក្នុងការនាំចេញជីទៅប្រទេសក្រីក្រ។ ទោះគេដឹងថា គោលដៅនៃទណ្ឌកម្មលោកខាងលិចទាំងនោះមិនសំដៅលើគ្រាប់ធញ្ញជាតិ និងជីរបស់រុស្ស៊ីមែន តែទីក្រុងម៉ូស្គូថា វាបានធ្វើឱ្យរាំងស្ទះដល់ការទូទាត់ប្រាក់ ភស្តុភារ និងការធានារ៉ាប់រងចំពោះការដឹកជញ្ជូន៕
