សូម្បីតែស្ត្រីរកស៊ីផ្លូវភេទជនជាតិចិន នៅនូវែលហ្សេឡង់ ក៏រងផលប៉ះពាល់របររកស៊ី ដោយសារវីរុសកូរ៉ូណាដែរ
ស្ត្រីរកស៊ីផ្លូវភេទជនជាតិចិន នៅប្រទេសនូវែលហ្សេឡង់ (New Zealand) បានលើកឡើងថា របរកស៊ីរបស់ពួកគេបានបាត់បង់ភ្ញៀវជាងពាក់កណ្ដាល បន្ទាប់ពីមា…
នៅក្នុងគេហទំព័រហ្វេសបុករបស់សម្តេចតេជោ បានសរសេរថា “ដោយសារមិត្តចិនយល់អំពីការព្រួយបារម្ភរបស់ខ្ញុំចំពោះពលរដ្ឋ និងនិស្សិតខ្មែរដែលកំពុងរស់នៅក្នុងប្រទេសចិន នៅព្រឹកម៉ិញនេះ ខាងរដ្ឋាភិបាលចិនបានអនុញ្ញាតឲ្យខ្ញុំធ្វើដំណើរទៅកាន់ទីក្រុងប៉េកាំង ដើម្បីបានជួបសម្តែងការគួរសមជាមួយភាគីមិត្តចិន និងបានស្វែងយល់អំពីការយកចិត្តទុកដាក់របស់រដ្ឋាភិបាលចិនចំពោះបងប្អូននិងកូនក្មួយសិស្សនិស្សិតខ្មែរយើងដែលកំពុងរស់នៅនឹងសិក្សានៅក្នុងទីក្រុងវូហាន ក៏ដូចជានៅទូទាំងប្រទេសចិន”។
នៅក្នុងសំណេរដដែលសម្តេចបានបន្ថែមថា នៅរសៀលនេះ សម្តេចនឹងដឹកនាំគណប្រតិភូកម្ពុជាចាកចេញពីប្រទេសកូរ៉េខាងត្បូងឆ្ពោះទៅកាន់ទីក្រុងប៉េកាំង មុននឹងធ្វើដំណើរវិលត្រឡប់ទៅកាន់ប្រទេសកម្ពុជាវិញ។
គួររំលឹកថា កាលពីថ្ងៃទី០៣ ខែកុម្ភៈ ឆ្នាំ២០២០ នៅក្នុងឱកាសជួបសំណេះសំណាលជាមួយប្រជាពលរដ្ឋខ្មែរ នៅប្រទេសកូរ៉េខាងត្បូង, សម្តេចហ៊ុន សែន បានប្រកាសថា សម្តេចនឹងទៅសួរសុខទុក្ខនិស្សិតខ្មែរ នៅទីក្រុងវូហាន ខេត្តហ៊ូប៉ី ប្រទេសចិន ប្រសិនបើរដ្ឋាភិបាលចិនអនុញ្ញាត ប៉ុន្តែនៅពេលនេះភាគីមិត្តចិន បានឆ្លើយតបវិញហើយថា ចិនមិនអាចរៀបចំដំណើររបស់សម្តេចទៅកាន់ទីក្រុង វូហានបានទេ ទើបត្រូវប្តូរទិសដៅទៅកាន់រាជធានប៉េកាំង៕
None
