នេះជាតួលេខមួយដែលវិនិយោគិនមិនចង់ឃើញឡើយ ។ នេះបើតាមការចុះផ្សាយនាថ្ងៃទី៣១ តុលា ២០២០ របស់ Bloomberg ដែលជាសារព័ត៌មានហិរញ្ញវត្ថុដ៏ល្បីបំផុតនៅលើពិភពលោក ។
បន្ទាប់ឡើងខ្ពស់ដល់ចំណុចកំពូលនៅខែកញ្ញាកន្លងមក ឥឡូវនេះ ក្រុមហ៊ុនផលិតទូរសព្ទ iPhone របស់អាមេរិក បានបាត់បង់តម្លៃទីផ្សារអស់ ៤៥០ពាន់លានដុល្លារអាមេរិក ដោយសារការធ្លាក់ចុះនូវតម្លៃហ៊ុនយ៉ាងច្រើនគួរឲ្យកត់សម្គាល់ ពោលគឺធ្លាក់ចុះ ១៩% ។
អត្ថបទទាក់ទង
បច្ចុប្បន្ន តម្លៃទ្រព្យសរុបរបស់ Apple នៅសល់ត្រឹម ១,៨៥ទ្រីលានដុល្លារ ប៉ុន្តែ នៅតែជាក្រុមហ៊ុនដែលមានតម្លៃទ្រព្យសរុបខ្ពស់ជាងគេបំផុត នៅសហរដ្ឋអាមេរិក ដដែល ។ ប៉ុន្តែ គ្រាន់តែតម្លៃទីផ្សារដែលក្រុមហ៊ុន Apple បានបាត់បង់ គិតចាប់ពីខែកញ្ញាមក គឺមានចំនួនធំជាងតម្លៃសរុបរបស់ទីផ្សារហ៊ុនទាំងមូលរបស់ប្រទេសថៃទៅទៀត ។
ការធ្លាក់ចុះនូវតម្លៃទីផ្សាររបស់ក្រុមហ៊ុកយក្សរបស់អាមេរិកនេះ កើតឡើងខណៈដែលការលក់ទូរសព្ទ iPhone សម្រេចបានទាបជាងការព្យាកររបស់អ្នកវិភាគផ្នែកហិរញ្ញវត្ថុនិងផ្សារហ៊ុន ដោយចំណូលពីការលក់ទូរសព្ទ iPhone នៅក្នុងត្រីមាសទី៤ សម្រេចបាន ២៦,៤ពាន់លានដុល្លារ ដែលទាបជាងការរំពឹងទុកដែលថានឹងសម្រេចបាន ២៧,១ពាន់លានដុល្លារ៕
