ចិនធ្វើសមយុទ្ធយោធាក្បែរកោះតៃវ៉ាន់ ដើម្បីពង្រឹងប្រតិបត្តិការប្រយុទ្ធ
ព័ត៌មាន
•
បញ្ហាកោះតៃវ៉ាន់នៅតែមានភាពតានតឹងខ្លាំង ខណៈដែលកងទ័ពរំដោះប្រជាជនចិន បានឲ្យដឹងនៅថ្ងៃចន្ទទី០៩ឧសភាថា កងកម្លាំងប្រដាប់អាវុធរបស់ខ្លួនទើបតែបាន…
លោក Jean Pierre Gagnon អនុប្រធាននាយកប្រតិបត្តិនៃធនាគារ ស្ថាបនា និងលោក អ៊ាប បូណារ៉ូ នាយកប្រតិបត្តិពាណិជ្ជកម្មរបស់ក្រុមហ៊ុន ទ្រូម៉ាន់នី បានចុះហត្ថលេខាលើអនុស្សរណៈនៃការយោគយល់គ្នា (MOU) ដែលរៀបចំធ្វើឡើងនៅអគារ ស្ថាបនា ក្នុងរាជធានីភ្នំពេញ។
ការចុះកិច្ចព្រមព្រៀង នេះ នឹងផ្តល់ជូននូវសេវាដកប្រាក់ទូទាំងប្រទេស ដែលអតិថិជនរបស់ក្រុមហ៊ុន ទ្រូម៉ាន់នី និងអតិថិជនរបស់ធនាគារ ស្ថាបនា អាចផ្ទេរប្រាក់ពីកម្មវិធីទូរស័ព្ទដៃ និងធនាគារចល័តរបស់ខ្លួនទៅកាន់បងប្អូន និងក្រុមគ្រួសារ ដោយអាចធ្វើការដកប្រាក់ពីភ្នាក់ងារទ្រូម៉ាន់នី ឬ ពីម៉ាស៊ីនអេធីអឹម (ATM) របស់ធនាគារ ស្ថាបនា នៅទូទាំងប្រទេស។
អតិថិជនរបស់ធនាគារ ស្ថាបនា ដែលប្រើប្រាស់សេវានេះ នឹងអាចដកប្រាក់នៅតាមភ្នាក់ងារ ទ្រូម៉ាន់នី ដោយប្រើប្រាស់ស្ថាបនា ម៉ូបាល ហើយដូចគ្នានេះដែរ អតិថិជនរបស់ក្រុមហ៊ុន ទ្រូម៉ាន់នី ក៏អាចដកប្រាក់បានពីម៉ាស៊ីន ATM របស់ធនាគារ ស្ថាបនា ផងដែរ។
លោក Jean Pierre Gagnon អនុប្រធាននាយកប្រតិបត្តិធនាគារ ស្ថាបនា បានមានប្រសាសន៍ថា៖ «យើងខ្ញុំមានសេចក្តីសោមនស្សរីករាយយ៉ាងខ្លាំងចំពោះការសហការរជាមួយក្រុមហ៊ុន ទ្រូម៉ាន់នី ក្នុងការផ្តល់ជូនអតិថិជនរបស់យើងនូវភាពងាយស្រួលបន្ថែមទៀតសម្រាប់សេវាធនាគារប្រចាំថ្ងៃ។ តាមរយៈកិច្ចសហការនេះ អតិថិជនរបស់យើងនឹងមានភាពងាយស្រួលជាងមុន និងមានលទ្ធភាពកាន់តែទូលំទូលាយក្នុងការប្រើប្រាស់សេវាដកប្រាក់ តាមរយៈវត្តមានដ៏ទូលំទូលាយនៃក្រុមហ៊ុន TrueMoney នៅក្នុងប្រទេសកម្ពុជា»។
លោក អ៊ាប បូណារ៉ូ នាយកប្រតិបត្តិពាណិជ្ជកម្មរបស់ក្រុមហ៊ុន ទ្រូម៉ាន់នី (ខេមបូឌា) មានប្រសាសន៍ថា៖ «យើងតែងតែស្វែងរកមធ្យោបាយផ្សេងៗដើម្បីផ្តល់ជូនសេវាកម្មបន្ថែមទៀតដល់អតិថិជនរបស់ ទ្រូម៉ាន់នី។ យើងជឿជាក់ថា ភាពជាដៃគូរបស់យើងជាមួយធនាគារ ស្ថាបនា នឹងពិតជាផ្តល់ភាពងាយស្រួលសម្រាប់សេវាហិរញ្ញវត្ថុ និងការទូទាត់ដល់អតិថិជនរបស់យើងទាំងពីរ»។
ការផ្តល់ជូនថ្មីនេះ នឹងដាក់ឱ្យដំណើរការក្នុងខែមិថុនា និងអនុញ្ញាតឱ្យអតិថិជនរបស់ធនាគារ ស្ថាបនា និងអតិថិជនរបស់ក្រុមហ៊ុន ទ្រូម៉ាន់នី ធ្វើការទូទាត់ប្រាក់បានភ្លាមៗ តាមរយៈប្រព័ន្ធបាគងរបស់ធនាគារជាតិនៃកម្ពុជា។ លើសពីនេះ អតិថិជនដែលប្រើប្រាស់សេវាថ្មីមួយនេះក៏អាចដកប្រាក់បានយ៉ាងងាយស្រួលដោយប្រើប្រាស់លេខទូរស័ព្ទរបស់អ្នកផ្ញើ និងអ្នកទទួល៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
