ក្រុមហ៊ុនអាកាសចរណ៍អារ៉ាប៊ីសាអូឌីតមួយ គ្រោងចំណាយ១៩ពាន់លានដុល្លារ ទិញយន្តហោះជាង១០០គ្រឿងពីក្រុមហ៊ុន Airbus

លោក អ៊ីប្រាហ៊ីម អាល់អូម៉ា (Ibrahim Al-Omar) អគ្គនាយកក្រុមហ៊ុន សាអូដា គ្រុប (Saudia Group) បាននិយាយថា កិច្ចព្រមព្រៀងទិញលក់យន្តហោះខាងលើមានទំហំទឹកប្រាក់១៩ពាន់លានដុល្លារ ហើយយន្តហោះទាំងនេះនឹងត្រូវបែងចែកឱ្យក្រុមហ៊ុន Saudia ចំនួន៥៤គ្រឿង និងក្រុមហ៊ុន flyadeal ចំនួន៥១គ្រឿង ដោយរំពឹងថា ក្រុមហ៊ុនទាំងនេះនឹងទទួលបានយន្តហោះដំបូងនៅក្នុងត្រីមាសទី១ឆ្នាំ២០២៦។

លោក អាល់អូម៉ា បាននិយាយថា ក្រុមហ៊ុន Saudia មានបំណងធ្វើប្រតិបត្តិការប្រកបដោយមហិច្ឆតា ដើម្បីបំពេញតម្រូវការដែលកំពុងតែកើនឡើង។ ក្រុមហ៊ុននេះកំពុងបង្កើនជើងហោះហើរ និងទំហំយន្តហោះនៅទូទាំងគោលដៅជាង១០០ ដែលមានស្រាប់របស់ពួកគេនៅទ្វីបទាំង៤លើពិភពលោក ខណៈកំពុងមានផែនការពង្រីកបន្ថែមទៀត៕

អត្ថបទ៖ សុខ មង្គល