ជាក់ស្ដែង បច្ចុប្បន្ន រាជរដ្ឋាភិបាលកម្ពុជា កំពុងរៀបចំដាក់ចេញនូវ ផែនកាស្ដារសេដ្ឋកិច្ចឡើងវិញពីវិបត្តិកូវីដ-១៩ សម្រាប់ឆ្នាំ ២០២១-២០២៣ ក្នុងគោលបំណង អូសទាញកំណើនសេដ្ឋកិច្ចកម្ពុជាឱ្យត្រឡប់ខិតជិតទៅកំណើនសក្ដានុពលប្រកបដោយចរីភាព និងបរិយាប័ន្ន។ ដើម្បីសម្រេច ផែនការនេះបាន តើរាជរដ្ឋាភិបាលកម្ពុជាត្រូវផ្ដល់អាទិភាពទៅលើផ្នែកអ្វីខ្លះ?
គោលបំណង ផែនកាស្ដារសេដ្ឋកិច្ចឡើងវិញពីវិបត្តិកូវីដ-១៩ សម្រាប់ឆ្នាំ ២០២១-២០២៣ របស់រាជរដ្ឋាភិបាលកម្ពុជា គឺដើម្បីអូសទាញកំណើនសេដ្ឋកិច្ចកម្ពុជាឱ្យត្រឡប់ខិតជិតទៅកំណើនសក្ដានុពលប្រកបដោយចរីភាព និងបរិយាបន្ន តាមរយៈការលើកកម្ពស់ភាពប្រកួតប្រជែង និងជំរុញការធ្វើពិពិធកម្មសេដ្ឋកិច្ច ជាពិសេស ឈរលើមូលដ្ឋានឧស្សាហកម្មរឹងមាំដែលមានសមត្ថភាពនាំចេញខ្ពស់ និងផ្សាភ្ជាប់កាន់តែខ្លាំងក្លាជាមួយខ្សែចង្វាក់ផ្គត់ផ្គង់តំបន់ និងពិភពលោក។
ដើម្បីអាចសម្រេចគោលបំណង ផែនការស្ដារសេដ្ឋកិច្ចនេះបាន តើរាជរដ្ឋាភិបាលត្រូវផ្ដល់អាទិភាពទៅលើផ្នែកអ្វីខ្លះ?
សូមជម្រាបថា ដើម្បីអាចសម្រេចគោលបំណងនេះ រាជរដ្ឋាភិបាលនឹងត្រូវផ្ដល់អាទិភាពទៅលើចំណុច៣៖
អត្ថបទគួរអាន
១) ការស្ដារឡើងវិញ: ពោលកម្ពុជាត្រូវកសាងមូលដ្ឋានរឹងមាំសម្រាប់ស្ដារសេដ្ឋកិច្ច ឲ្យវិលទៅស្ថិតលើមាគ៌ានៃកំណើនឡើងវិញ ដោយផ្អែកលើការធានាសុវត្ថិភាព, ការគ្រប់គ្រងផលប៉ះពាល់, ការរក្សាលំនឹង និងការរស់ឡើងវិញនៃធុរកិច្ច ជាពិសេស ក្នុងវិស័យដែលទទួលរងផលប៉ះពាល់ខ្លាំង និងបង្កើតការងារបន្ថែមឱ្យបានកាន់តែច្រើន។
២) ការកែទម្រង់: ដោយបន្តដាក់ចេញវិធានការកែទម្រង់សំខាន់ៗជារចនាសម្ព័ន្ធដែលរួមមានការធ្វើឱ្យប្រសើរឡើងវិញនូវបរិស្ថាន និងកិច្ចសម្រួលពាណិជ្ជកម្ម, ការវិនិយោគ និងធុរកិច្ច, ការជំរុញ និងការអភិវឌ្ឍឌីជីផលូបនីយកម្ម ក្នុងប្រព័ន្ធសេដ្ឋកិច្ចទាំងវិស័យសារធារណៈ និងឯកជន។
៣) ការកសាងភាពធន់: ដោយពង្រឹងការត្រៀមខ្លួន និងការឆ្លើយតបទៅនឹងជំងឺឬភាពស្រដៀងគ្នាដែលអាចផ្ទុះឡើងនាពេលអនាគត ដោយផ្ដោតលើការអភិវឌ្ឍប្រព័ន្ធសុខាភិបាល និងប្រព័ន្ធគាំពារសង្គមរឹងមាំ, មានប្រសិទ្ធភាព និងការធានានូវចរីភាព និង បរិយាបន្នកម្មនៃការស្ដារ និងការអភិវឌ្ឍសង្គម-សេដ្ឋកិច្ច។
យ៉ាងណាមិញ ឯកត្តម អូន ព័ន្ធមុនីរ័ត្ន បានលើកឡើងទៀតថា កម្ពុជាត្រូវបង្កើនការប្ដេជ្ញាចិត្ត និងតម្រង់កិច្ចខិតខំប្រឹងប្រែងប្រកបដោយភាពម៉ឺងម៉ាត់ និងឆន្ទៈនយោបាយខ្ពស់ ក្នុងការប្រយុទ្ធប្រឆាំងកូវីដ និងពន្លឿនកិច្ចការកែតទម្រង់គ្រប់ការដ្ឋាន ជាពិសេសសមត្ថភាពស្ថាប័នសាធារណៈ ដែលជា កត្តាស្លាប់រស់។
អត្ថបទ៖ ស៊ើង និមល់
None
