ផែនការមេនេះត្រូវបានចាប់ផ្តើមដំណើរការរៀបចំឡើងនៅអំឡុងខែសីហា ឆ្នាំ២០២០ និងបានបញ្ចប់ក្នុងខែសីហា ឆ្នាំ២០២១ ដោយមានការចូលរួម និងពិគ្រោះយោបល់យ៉ាងទូលំទូលាយទាំងនៅថ្នាក់ជាតិ និងថ្នាក់ក្រោមជាតិ និងក្នុងក្របខណ្ឌអន្តរក្រសួង។
ដោយឈរលើស្ថានភាពជាក់ស្ដែង និងជាប្រភពសក្ដានុពល និងការអភិវឌ្ឍវិស័យទេសចរណ៍នៅខេត្តមួយនេះ រាជរដ្ឋាភិបាលបានកំណត់យកខេត្តមណ្ឌលគិរី ជាគោលដៅអេកូទេសចរណ៍លំដាប់អន្តរជាតិ និងជាខេត្តដ៏សំខាន់ក្នុងការផ្គត់ផ្គង់ ផ្កា បន្លែ ផ្លែឈើ និងសាច់ សម្រាប់បំពេញតម្រូវការប្រទេស និងឈានទៅដល់ការនាំចេញទៅទីផ្សារក្រៅប្រទេស។ រាជរដ្ឋាភិបាលក៏បានកំណត់អាទិភាពសំខាន់៦ចំណុច ត្រូវបានរក្សាទុក និងកំណត់អំពីវិសាលភាពនៃសកម្មភាពវិនិយោគ និងការអភិវឌ្ឍតំបន់ទាំងនោះឲ្យបានច្បាស់លាស់រួមមាន៖
១) តំបន់របៀងអេកូទេសចរណ៍ និងទេសចរណ៍ធម្មជាតិ នៃដែនជម្រកសត្វព្រៃទាំង៥ ២).តំបន់របៀងទេសចរណ៍វប្បធម៌និងអេក្ខទេសចរណ៍ ប៊ូស-ដាក់ដាំ
៣). ក្រុងសែនមនោរម្យ
៤) តំបន់ស្រុកអូររាំងភ្ជាប់ជាមួយការអភិវឌ្ឍអាកាសយានដ្ឋានខេត្តមណ្ឌលគីរី
៥)តំបន់ប្រជុំជននៃស្រុកកោះញែកនិង៦.តំបន់ទេសចរណ៍សមាហរ័ណតាមច្រកព្រំដែន។
អត្ថបទគួរអាន
បើទោះបីប្រឈមនឹងវិបត្តិកូវីដ-១៩ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការអន្តរក្រសួង បានដឹកនាំការងារនេះជាប្រចាំ និងម៉ត់ចត់ និងបានផ្តល់ជាអនុសាសន៍គន្លឹះសំខាន់ៗជាច្រើន។
ផែនការមេនេះក៏ត្រូវបានការគាំទ្រ និងជំរុញយ៉ាងសកម្ម ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការជាតិអភិវឌ្ឍន៍ទេសចរណ៍ ចាប់តាំងពីដំណាក់កាលចាប់ផ្តើមរហូតទទួលបានការអនុម័តពីរាជរដ្ឋាភិបាល។
អត្ថបទ៖ ហួន ស្រីនីត
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
