វិស័យលក់រាយនៅសហរដ្ឋអាម៉េរិក ជួបវិបត្តិធ្ងន់ធ្ងរ ខណៈហាងជាង១៥.០០០កន្លែង ប្រឈមការបិទទ្វារនៅឆ្នាំ២០២៥ នេះ
វិស័យលក់រាយនៅសហរដ្ឋអាម៉េរិក កំពុងជួបវិបត្តិធ្ងន់ធ្ងរបំផុតមិនធ្លាប់មានជាប្រវត្តិសាស្ត្រ ខណៈហាងរហូតដល់ទៅជាង១ម៉ឺន៥ពាន់កន្លែង ប្រឈមនឹងការបិ…
លោក ចូស សេវើរីន (Jose Severin) នាយកអភិវឌ្ឍន៍អាជីវកម្មនៃក្រុមហ៊ុន Mercury Group ដែលផ្ដល់សេវាកម្មភស្ដុភារកម្មសម្រាប់គម្រោងថាមពលនៅក្នុងរដ្ឋលូអ៊ីស៊ីអេណា (Louisiana) សហរដ្ឋអាម៉េរិក បានទម្លាយឱ្យដឹងថា ការចរចាអំពីការដឹកជញ្ជូនដែកទីបចំនួន១ម៉ឺន៦ពាន់តោន ឆ្លងកាត់មហាសមុទ្រអាត្លង់ទិច ត្រូវបានផ្អាកដោយសារតែភាពមិនប្រាកដប្រជា។
ប្រមាណ៨០%នៃកប៉ាល់របស់ក្រុមហ៊ុន Mercury Group ត្រូវបានផលិតឡើងនៅក្នុងប្រទេសចិន ហើយកប៉ាល់ទាំងនេះប្រឈមនឹងការតម្រូវឱ្យបង់ពន្ធក្នុងមួយគ្រឿងៗចន្លោះពី១លានដុល្លារអាម៉េរិកដល់៣លានដុល្លារអាម៉េរិក ដែលតម្លៃពន្ធនេះស្មើថ្លៃដឹកជញ្ជូនរហូតដល់ទៅ២ ឬ៣ដងឯណោះ។
សូមបញ្ជាក់ថា ករណីខាងលើនេះ គ្រាន់តែជាកិច្ចព្រមព្រៀងមួយប៉ុណ្ណោះ ក្នុងចំណោមកិច្ចព្រមព្រៀងជាច្រើនដែលត្រូវបានរាំងស្ទះដោយសារសំណើរបស់ការិយាល័យតំណាងពាណិជ្ជកម្មអាម៉េរិក (USTR) ដែលបានស្នើយកពន្ធរាប់លានដុល្លារពីកប៉ាល់ដឹកជំនិញចិន ដើម្បីទប់ទល់ឥទ្ធិពលរបស់មហាយក្សចិន ដែលមានភាពលេចធ្លោឈានមុខគេផ្នែកផលិតកប៉ាល់ និងភស្តុភារកម្ម។
បច្ចុប្បន្ន កប៉ាល់ដឹកទំនិញជាងពាក់កណ្តាលនៃកប៉ាល់ដឹកជំនិញទូទាំងពិភពលោកត្រូវបានផលិតឡើងដោយប្រទេសចិន ដោយកើនឡើងពី៥% ក្នុងឆ្នាំ១៩៩៩ ខណៈដែលប្រទេសជប៉ុន និងកូរ៉េខាងត្បូង ក៏ជាតួអង្គសំខាន់ក្នុងឧស្សាហកម្មផលិតកប៉ាល់។ ផ្ទុយទៅវិញ រោងចក្រផលិតកប៉ាល់របស់សហរដ្ឋអាម៉េរិក ផលិតបានត្រឹមតែ០,០១% ប៉ុណ្ណោះ កាលពីឆ្នាំមុន ហើយការិយាល័យតំណាងពាណិជ្ជកម្មអាម៉េរិក (USTR) មានគោលដៅធ្វើឱ្យឧស្សាហកម្មផលិតកប៉ាល់ដែលកំពុងដាំក្បាលចុះរបស់សហរដ្ឋអាម៉េរិក រស់រានឡើងវិញ។
ការិយាល័យតំណាងពាណិជ្ជកម្មអាម៉េរិក (USTR) បានទទួលស្គាល់ថា ភាពលេចធ្លោឈានមុខគេរបស់ប្រទេសចិន ធ្វើឱ្យប្រទេសនេះ មានឥទ្ធិពលខ្លាំងគ្របដណ្ដប់លើការផ្គត់ផ្គង់ទូទាំងពិភពលោក រួមទាំងតម្លៃ និងការជ្រៀតចូលទៅកាន់ទីផ្សារនានា ផងដែរ នៅពេលដែលខ្លួនបានបង្ហាញសំណើខាងលើនេះ។
ជាការឆ្លើយតប ក្រុមហ៊ុនចិន China State Shipbuilding Corp ដែលជាក្រុមផលិតកប៉ាល់ធំបំផុតក្នុងពិភពលោកបានចាត់ទុកវិធានការរបស់ការិយាល័យតំណាងពាណិជ្ជកម្មអាម៉េរិក ថា ជាការបំពានច្បាប់របស់អង្គការពាណិជ្ជកម្មពិភពលោក។ បញ្ហានេះនឹងក្លាយជាចំណុចស្នូលនៃសវនាការតវ៉ាគ្នារយៈពេល២ថ្ងៃរបស់ការិយាល័យតំណាងពាណិជ្ជកម្មអាម៉េរិក នៅក្នុងទីក្រុងវ៉ាស៊ីនតោន នៅសប្ដាហ៍ក្រោយ។
ក្រុមហ៊ុនដឹកជញ្ជូនតាមកប៉ាល់ និងក្រុមហ៊ុនផលិតកប៉ាល់នានា របស់ចិន នឹងចូលរួមក្នុងសវនាការខាងលើនេះដែរ ហើយបណ្ដាម្ចាស់អាជីវកម្ម និងក្រុមពាណិជ្ជកម្មធំៗបានព្រមានថា សំណើយកពន្ធរបស់ការិយាល័យតំណាងពាណិជ្ជកម្មអាម៉េរិក អាចធ្វើឱ្យរាំងស្ទះដល់ពាណិជ្ជកម្មពិភពលោកខ្លាំងជាងពន្ធគយរបស់លោក ដូណាល់ ត្រាំ ទៅទៀត៕
ដោយ: តែម សុខុម
