វិនិយោគិនបរទេសកំពុងងាកមកសម្លឹងឱកាសវិនិយោគនៅអាស៊ាន ស្របពេលអតិផរណាសកលបានបង្ហាញពីភាពធូរស្បើយ
ស្របពេលទំនុកចិត្តលើការកាត់បន្ថយអត្រាការប្រាក់នៅសហរដ្ឋអាម៉េរិក កាន់តែមានការកើនឡើង វិនិយោគិនបរទេសកំពុងសម្លឹងមើលឱកាសវិនិយោគនៅតាមបណ្តាប្រ…
លោក វ៉ាស៊ូឆេត សូផុនសាធៀន (Wasuchet Sophonsathien) ប្រធានសមាគមប្រតិបត្តិករដឹកជញ្ជូនថៃ បាននិយាយថា ក្រុមហ៊ុនផ្តល់សេវារថយន្តក្រុងដែលមានអាជ្ញាបណ្ណត្រឹមត្រូវនៅថៃ បន្តរងការគំរាមកំហែងពីការប្រកួតប្រជែងរបស់ក្រុមហ៊ុនផ្តល់សេវារថយន្តក្រុងខុសច្បាប់របស់ចិន ស្របពេលដែលពួកគេនៅមិនទាន់ងើបឡើងវិញពេញលេញពីជំងឺរាតត្បាតនៅឡើយ។
លោក វ៉ាស៊ូឆេត បាននិយាយថា នៅពេលភ្ញៀវទេសចរឯករាជ្យ និងក្រុមទេសចរលំដាប់ខ្ពស់ជាពិសេសភ្ញៀវទេសចរចិន មានកាន់តែច្រើន សង្កេតឃើញក្រុមហ៊ុនបរទេសខុសច្បាប់បានបង្វែរពីប្រតិបត្តិការឡានក្រុងធំទៅជាផ្គត់ផ្គង់ឡានវែន ឬឡានតូចៗដល់ក្រុមភ្ញៀវទេសចរទាំងនោះ។
លោក វ៉ាស៊ូឆេត បាននិយាយថា ជនបរទេសដែលស្នាក់នៅរយៈពេលយូរមួយចំនួនបានដាក់ពាក្យស្នើសុំបណ្ណបើកបរផ្ទាល់ខ្លួន ឬប្រើប្រាស់បណ្ណបើកបរអន្តរជាតិ ដើម្បីធ្វើការជាអ្នកបើកបរបម្រើភ្ញៀវទេសចរមួយក្រុមតូចដែលជាទង្វើមួយខុសច្បាប់។ បន្ថែមលើនេះមានប្រតិបត្តិករបរទេសមួយចំនួនបានផ្តល់ទាំងសេវាឡានក្រុង និងឡានតូចៗ ដោយប្រើតំណាងថៃ ដើម្បីចុះបញ្ជីអាជីវកម្មរបស់ខ្លួន ហើយក្រុមហ៊ុនទាំងនេះបានទម្លាក់តម្លៃ ដើម្បីទទួលបានចំនួនអតិថិជន និងចំណែកទីផ្សារបានច្រើន។
តាមជាក់ស្ដែង ប្រតិបត្តិករថៃ ជាធម្មតាបានផ្តល់សេវាឡានក្រុងពីអាកាសយានដ្ឋានសុវណ្ណភូមិ ទៅតំបន់ប៉ាតាយ៉ា ក្នុងតម្លៃជាង២ពាន់ដុល្លាររួមទាំងថ្លៃប្រេង ប៉ុន្តែប្រតិបត្តិកររបស់ចិន បានយកថ្លៃពីភ្ញៀវទេសចរត្រឹមតែពាក់កណ្ដាលនៃតម្លៃនេះប៉ុណ្ណោះ៕
អត្ថបទ៖ សុខ មង្គល
None
