គម្រោងអភិវឌ្ឍន៍ធំៗទាំង៣ រួមមាន គម្រោងផែស្ងួត នៅក្នុងខេត្តចំនួន ៣ មានទឹកប្រាក់ជាង ៧៧០លានដុល្លារអាមេរិក, គម្រោងផែទឹកជ្រៅ និងអភិវឌ្ឍបណ្តាញខ្សែរថភ្លើង មានទឹកប្រាក់ជាង ៥.៣០០លានដុល្លារអាមេរិក និងគម្រោងស្ពានថៃ មានទឹកប្រាក់ជាង ៣១ពាន់លានដុល្លារអាមេរិក។
គណៈកម្មាធិការគោលនយោបាយច្រករបៀងសេដ្ឋកិច្ចខាងកើត ដែលដឹកនាំដោយ លោក ប្រាយុទ្ធ ច័ន្ទអូចា នាយករដ្ឋមន្រ្តីនៃប្រទេសថៃ បានយល់ព្រមទៅលើគម្រោងថ្មីទាំង ៣នេះ ដើម្បីពង្រឹងភាពប្រកួតប្រជែងនៃច្រករបៀងសេដ្ឋកិច្ចខាងកើត និងបង្កើតទំនាក់ទំនងរវាង ច្រករបៀងសេដ្ឋកិច្ចខាងកើត និងគម្រោងអភិវឌ្ឍន៍ក្នុងតំបន់ដែលមានលក្ខណៈប្រហាក់ប្រហែលគ្នា។
អត្ថបទទាក់ទង
គម្រោងផែស្ងួត ក្នុងខេត្តទាំង ៣ របស់ប្រទេសថៃ គ្រោងនឹងបញ្ចប់ការសិក្សាក្នុងឆ្នាំ ២០២១ និងឆ្នាំ ២០២២ ហើយនឹងចំណាយពេល ២ឆ្នាំបន្ថែមទៀត ដើម្បីអភិវឌ្ឍគម្រោងនីមួយៗ ហើយផែស្ងួតនេះ នឹងតភ្ជាប់ទៅកាន់ប្រទេសចិន វៀតណាម មីយ៉ាន់ម៉ា ឡាវ រួមទាំងកម្ពុជាផងដែរ។
ចំពោះគម្រោងផ្សេងៗទៀត រាជរដ្ឋាភិបាលថៃ ក៏បានសម្រេចអនុម័តលើកញ្ចប់ថវិកា ដើម្បីសិក្សា ហើយគម្រោងសាងសង់ផ្លូវដែកក៏ចាប់ផ្តើមជាបណ្តើរៗផងដែរ។
គួររម្លឹកបន្តិចថា ឧបនាយករដ្ឋមន្រ្តីថៃ បានប្រកាសរួចហើយថា នឹងជំរុញច្រករបៀងសេដ្ឋកិច្ចខាងកើត ឲ្យក្លាយទៅជាមជ្ឈមណ្ឌលសេដ្ឋកិច្ច និងវិនិយោគពិសេស ដែលប្រមូលផ្តុំទៅដោយ បច្ចេកវិទ្យាទំនើប ឧស្សាហកម្មផលិតយក្សយក្ស និងសេវាកម្មដ៏សម្បូរបែប ដើម្បីបម្រើដល់បណ្តាប្រទេសអាស៊ាន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
