អឺរ៉ុបបង្កើនជំនួយយោធាជាង ៥០០រយលានទៀតឲ្យអ៊ុយក្រែនសរុបជាង១ពាន់លានដុល្លារ
អស់ពេលជិត២០ថ្ងៃមកហើយ កងទ័ពរុស្ស៊ីនៅតែបង្កើនការវាយប្រហារកាន់តែខ្លាំងឡើង នៅតាមក្រុងសំខាន់ៗ របស់អ៊ុយក្រែន និងបន្តការបាញ់ផ្លោងផ្ទះសម្បែង និ…
លោកប្រាវីត ហ័ររ៉ុងហ្គូរាំង (Pravit Horungruang) សមាជិកគណៈកម្មាធិការនៃសមាគមអ្នកផលិតដែកថែបរបស់ថៃបានឱ្យដឹងថា តម្លៃដែកថែបនៅលើទីផ្សារពិភពលោកបានកើនឡើងដល់តម្លៃប្រហែល ៨០០ ដុល្លារក្នុងមួយតោន ដែលកើនឡើងពីតម្លៃ ៦៥០ ដុល្លារក្នុងមួយតោនក្នុងរយៈពេលត្រឹមតែមួយសប្តាហ៍ប៉ុណ្ណោះ។
លោកបានបន្តថា តម្លៃដែកនឹងប្រែប្រួលខ្លាំងថែមទៀត ដោយសារតែសង្គ្រាមនៅអ៊ុយក្រែនមិនត្រូវបានគេរំពឹងថា នឹងបញ្ចប់ក្នុងពេលឆាប់ៗនេះទេ ខណៈដែលតម្លៃប្រេងពិភពលោកក៏បន្តកើនឡើងដែលនឹងប៉ះពាល់ដល់ខ្សែសង្វាក់ផ្គត់ផ្គង់កាន់តែខ្លាំងដែរ។
លោក ប្រាវីត បាននិយាយទៀតថា ការប្រើប្រាស់ដែកសកលត្រូវបានគេរំពឹងថា នឹងធ្លាក់ចុះក្នុងរយៈពេលខ្លី ដោយសារតែសង្គ្រាមបាននាំឱ្យមានការរំខាននៃតម្រូវការសកល នៅគ្រាដែលរោងចក្រដែកថែបធំៗនៅរុស្ស៊ី និងអ៊ុយក្រែនបានបិទទ្វារ មិនអាចផ្គត់ផ្គង់ផលិតផលទៅកាន់ទីផ្សារពិភពលោកបានទេ។
យ៉ាងណាមិញ ប្រសិនបើសង្គ្រាមបញ្ចប់ក្នុងរយៈពេលវែង នោះតម្រូវការដែកថែបនៅក្នុងទីផ្សារពិភពលោកនឹងកើនឡើងកាន់តែខ្ពស់ ព្រោះវានឹងត្រូវការសម្រាប់ការកសាងសំណង់ឡើងវិញ និងការងារជួសជុលនៅក្នុងតំបន់ដែលរងការខូចខាតអំឡុងពេលមានការប៉ះទង្គិចគ្នាដោយសង្គ្រាមនៅអ៊ុយក្រែន។
សូមជម្រាបថា ការប្រើប្រាស់ដែកគ្រប់ប្រភេទទូទាំងពិភពលោកមានចំនួន ១ ពាន់លានតោនក្នុងមួយឆ្នាំ។
យ៉ាងណាមិញ បច្ចុប្បន្ននេះ ក្រុមហ៊ុនផលិតដែកនៅក្នុងប្រទេសថៃកំពុងតាមដានសង្គ្រាម និងពិភាក្សាអំពីផលប៉ះពាល់ជាបន្តបន្ទាប់នៃវិបត្តិសង្គ្រាមនេះ ទៅលើតម្លៃដែកក្នុងស្រុក ខណៈតម្លៃថាមពលក៏កំពុងមានតម្លៃខ្ពស់ខ្លាំងផងដែរ។ ការភ័យខ្លាចថា តម្លៃប្រេងពិភពលោកដែលបានកើនឡើងដល់ ១៣០ ដុល្លារអាមេរិកក្នុងមួយបារ៉ែលកាលពីដើមសប្តាហ៍នេះ នឹងបន្តកើនឡើង ហើយនឹងជំរុញឱ្យតម្លៃផលិតកម្មកើនឡើងសម្រាប់ឧស្សាហកម្មផងដែរ៕
អត្ថបទ ស៊ើង និមល់
None
