រុស្ស៊ី ប្រកាសដាក់ពង្រាយមីស៊ីលនុយក្លេអ៊ែ អាចបាញ់បានចម្ងាយជាង៣៥,០០០គីឡូម៉ែត្រ ដែលធ្វើឱ្យពិភពលោក

នេះបើយោងតាមការចុះផ្សាយរបស់សារព័ត៌មាន រ៉យទ័រ។   ពិភពលោក ពេល នេះ កាន់ តែដេកលែង លក់ហើយក្រោយលោក វ្ល៉ាឌីមៀ ពូទីន ប្រកាស ថា រុស្ស៊ីនឹងដាក់ពង្រាយមីស៊ីលនុយក្លេអ៊ែយុទ្ធសាស្ត្រថ្មីឈ្មោះ Sarmat នៅចុងឆ្នាំ២០២៦ ដែលរុស្ស៊ី អះអាងថា ជាមីស៊ីលដ៏មានអានុភាពបំផុត នៅ លើ ផែនដី។ លោក ពូទីន បានអះអាងថា មីស៊ីលនេះអាច បំពាក់ ក្បាលគ្រាប់នុយក្លេអ៊ែ ដែល អាច បាញ់ បានចម្ងាយរហូតដល់ទៅជាង ៣៥,០០០គីឡូម៉ែត្រ ពោលគឺអាចវាយប្រហារដល់សហរដ្ឋអាម៉េរិក និងអឺរ៉ុប និងហោះទម្លុះប្រព័ន្ធខែលការពារមីស៊ីល ឬសំណាញ់ មេឃរបស់សត្រូវ បានយ៉ាង ងាយស្រួល។ តែយ៉ាងណា ក្រុម អ្នកវិភាគលោកខាងលិចយល់ឃើញថា ការអះអាងមួយចំនួនរបស់រុស្ស៊ី អាចជាការនិយាយ បំផ្លើស បំប៉ោងការពិតដែលពិបាកនឹងជឿ។   កម្មវិធី អភិវឌ្ឍន៍ មីស៊ីលនុយក្លេអ៊ែ Sarmat ត្រូវ បាន ពន្យារពេល និងជួបបរាជ័យក្នុងការសាកល្បង ជាច្រើន លើកច្រើនសានៅប៉ុន្មានឆ្នាំចុងក្រោយនេះ រួមទាំងការបាញ់សាកល្បង បរាជ័យនៅឆ្នាំ២០២៤ ផងដែរ។   សូមបញ្ជាក់ថា ចាប់តាំងពីរុស្ស៊ី បញ្ឆេះ សង្គ្រាមចូលឈ្លានពានអ៊ុយក្រែននៅថ្ងៃទី២៤ ខែកុម្ភៈ ឆ្នាំ២០២២ មក ប្រធានាធិបតីរុស្ស៊ី លោក វ៉្លាឌីមៀ ពូទីន តែងតែលើកឡើងពីអាវុធនុយក្លេអ៊ែរបស់រុស្ស៊ី ខណៈដែលភាពតានតឹងជាមួយលោកខាងលិច ដែល មាន សហ រដ្ឋអាម៉េរិកជាបង ធំ នៅតែបន្ត៕