រុស្ស៊ី ប្រកាសដាក់ពង្រាយមីស៊ីលនុយក្លេអ៊ែ អាចបាញ់បានចម្ងាយជាង៣៥,០០០គីឡូម៉ែត្រ ដែលធ្វើឱ្យពិភពលោក
កម្តៅជម្លោះនៅតំបន់មជ្ឈិមបូព៌ា មិនទាន់ចុះត្រជាក់ផង ស្រាប់តែប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃទី១២ ខែឧសភា បានប្រកាសដ៏គួរឱ្…
សារព័ត៌មាន CNBC ក្រុមហ៊ុនផលិតស្មាតហ្វូន និងបន្ទះឈីបធំជាងគេបំផុតរបស់កូរ៉េខាងត្បូង Samsung Electronics បានជួបប្រទះការធ្លាក់ចុះតម្លៃភាគហ៊ុនយ៉ាងខ្លាំងបំផុតមិនធ្លាប់មាន បន្ទាប់ពីកិច្ចចរចាប្រាក់ឈ្នួលជាមួយសហជីពកម្មករមិនអាចរកចំណុចរួមឃើញ។ ការធ្លាក់ចុះនេះ បានធ្វើឱ្យក្រុមហ៊ុននេះខាតបង់រហូតដល់៦៦ពាន់លានដុល្លារក្នុងរយៈពេលត្រឹម២៤ម៉ោង។ សម្ពាធនេះបានកើតឡើង ក្រោយពេលដែលកម្មករនិយោជិតជាង៤១,០០០នាក់ បានប្រកាសព្រមានធ្វើកូដកម្មទ្រង់ទ្រាយធំរយៈពេល១៨ថ្ងៃចាប់ពីថ្ងៃទី២១ ខែឧសភា តទៅ ដើម្បីទាមទារឱ្យមានការកែសម្រួលប្រព័ន្ធផ្ដល់ប្រាក់រង្វាន់ និងដំឡើងប្រាក់សំណងការងារឱ្យបានសមរម្យ។ សហជីពបានអះអាងថា កញ្ចប់សំណងដែលក្រុមហ៊ុនផ្តល់ឱ្យនាពេលបច្ចុប្បន្ន គឺមានកម្រិតទាបជាងអ្វីដែលពួកគេរំពឹងទុកឆ្ងាយណាស់។ ស្របពេលស្ថានការណ៍កំពុងឡើងកម្តៅ មន្ត្រីរដ្ឋាភិបាលកូរ៉េខាងត្បូង បានចេញមុខជំរុញឱ្យភាគីទាំងពីរវិលមករកតុចរចាជាបន្ទាន់ ដើម្បីបញ្ចៀសការរាំងស្ទះដល់ផលិតកម្មបន្ទះឈីប ដែលជាឆ្អឹងខ្នងសេដ្ឋកិច្ចរបស់ជាតិ។ អន្តរាគមន៍ពីរដ្ឋាភិបាលក្រុងសេអ៊ូលនេះ បានជួយឱ្យភាគីទាំងពីរបន្ធូរបន្ថយភាពតានតឹងបន្តិច និងជួយឱ្យតម្លៃភាគហ៊ុនងើបឡើងវិញខ្លះៗវិញ។ ទោះជាយ៉ាងណា សហជីពកម្មករនៅតែរក្សាជំហររឹងមាំ ដោយព្រមានថា ប្រសិនបើកូដកម្ម១៨ថ្ងៃនេះពិតជាកើតឡើងមែន វានឹងជះឥទ្ធិពលអាក្រក់យ៉ាងធ្ងន់ធ្ងរដល់ផលិតកម្មបន្ទះឈីប ហើយអាចធ្វើឱ្យក្រុមហ៊ុនខាតបង់ទឹកប្រាក់បន្ថែមរហូតដល់២០ពាន់លានដុល្លារទៀត ដែលនេះនឹងក្លាយជាវិបត្តិដ៏ធំបំផុតក្នុងប្រវត្តិសាស្ត្ររបស់ក្រុមហ៊ុន Samsung៕
ដោយ: តែម សុខុម
