ការនាំចេញទំនិញកម្ពុជាទៅអាមេរិកនៅតែកើនខ្ពស់ដល់ ៤០% នៅ៨ខែឆ្នាំនេះ ទោះកូវីដ-១៩កំពុងរាតត្បាតខ្លាំង
ការនាំចេញទំនិញរបស់កម្ពុជានៅតែកើនខ្លាំងក្នុងរយៈពេល៨ខែដើមឆ្នាំ២០២១នេះ បើទោះបីជាកូវីដ១៩បាននិងកំពុងបន្ដអុកឡុកខ្លាំងក្ដី។ ជាក់ស្តែងនៅរយៈព…
ខេមបូណូមីស សូមស្រង់យកប្រទសធំៗទាំង១០ ដែលមានការចំណាយលើវិស័យយោធាច្រើនជាងគេបំផុតនៅក្នុងឆ្នាំ២០២០។ ប្រទេសទាំងនោះ រួមមាន៖
១) សហរដ្ឋអាមេរិក ចំណាយអស់ ៧៧៨ពាន់លានដុល្លារ
សហរដ្ឋអាមេរិកជាប់ចំណាត់ថ្នាក់លេខ១ ក្នុងបញ្ជីប្រទេសដែលមានការចំណាយថវិកាលើវិស័យយោធាខ្ពស់បំផុតនៅលើពិភពលោក។ ជាមួយនឹងការចំណាយ ៧៧៨ ពាន់លានដុល្លារលើប្រតិបត្តិការយោធា សហរដ្ឋអាមេរិកបាននាំមុខគ្រប់ប្រទេសទាំងអស់នៅលើពិភពលោកទាំងការចំណាយ កម្លាំងយោធា និងទាំងទំនើបកម្មសព្វាវុធ។ អាមេរិកចំណាយលើយោធា៣ដងច្រើនជាងប្រទេសចិន និងជាង១០ដងច្រើនជាងឥណ្ឌា។
ចំណាយយោធារបស់សហរដ្ឋអាមេរិកតំណាងឲ្យ៣៩% នៃការចំណាយយោធាសកលនៅឆ្នាំ ២០២០។ យ៉ាងណាមិញ ថវិកានេះ មានការថយចុះ ១០% ពីឆ្នាំ ២០១១ មកដល់ឆ្នាំ ២០២០។ ទោះយ៉ាងណាអាមេរិកបានបង្កើនថវិកាយោធារបស់ខ្លួន ពីឆ្នាំ២០១៩ ដល់២០២០ ចំនួន ៤,៤%ឡើងវិញ។ ការកើនឡើងនេះអាចបណ្តាលមកពី ការបង្កើនការស្រាវជ្រាវ និងការអភិវឌ្ឍន៍ ការធ្វើទំនើបកម្មឃ្លាំងអាវុធនុយក្លេអ៊ែររបស់អាមេរិក និងការផលិតអាវុធទ្រង់ទ្រាយធំជាដើម។
២) ប្រទេសចិន ចំណាយអស់ ២៥២ពាន់លានដុល្លារ
ប្រទេសចិន គឺជាប្រទេសធំជាងគេទី២ ដែលមានការចំណាយយោធាខ្ពស់បំផុតនៅលើពិភពលោក ពោលចិន ចាយវាយអស់ទឹកប្រាក់ ២៥២ ពាន់លានដុល្លារ ប្រហែល ២,៥ដងច្រើនជាងប្រទេសឥណ្ឌា។ ថវិកាយោធាចិនតំណាងឲ្យ ១៣% នៃការចំណាយយោធាសរុបរបស់ពិភពលោក។ ដោយឡែកមហាអំណាចមួយនេះ បានបង្កើនថវិកាយោធារបស់ខ្លួនប្រមាណ ៧៦% គិតពីឆ្នាំ ២០១១ ដល់ឆ្នាំ ២០២០។
៣) ប្រទេសឥណ្ឌា ចំណាយអស់ ៧៣ពាន់លានដុល្លារ
ប្រទេសឥណ្ឌា ដែលជាមហាអំណាចលេចធ្លោមួយនៅអាស៊ីខាងត្បូង មានការចំណាយផ្នែកយោធាចំនួន ៧៣ពាន់លានដុល្លារ ដែលធ្វើឱ្យប្រទេសនេះជាប់ចំណាត់ថ្នាក់ទី៣ នៅក្នុងបញ្ជីប្រទេសដែលមានថវិកាយោធាខ្ពស់បំផុតនៅលើពិភពលោក។ ឥណ្ឌាចំណាយលើយោធាស្មើនឹង ២,៩% នៃផលិតផលក្នុងស្រុកសរុបរបស់ខ្លួន។ ដោយឡែកចាប់ពីឆ្នាំ ២០១១ ដល់ឆ្នាំ ២០២០ ការចំណាយយោធារបស់ឥណ្ឌាបានកើនឡើងដល់ទៅ ៣៤%ឯណោះ។ ជាមួយគ្នានេះ ឥណ្ឌារួមចំណែក ៣,៧% ចំពោះការចំណាយយោធាសរុបរបស់ពិភពលោក។
៤) ប្រទេសរុស្សី ចំណាយជិត ៦២ពាន់លានដុល្លារ
ប្រទេសរុស្ស៊ីបានចំណាយប្រមាណ ៣,៤% នៃផលិតផលក្នុងស្រុកសរុបរបស់ខ្លួនលើសកម្មភាពយោធានៅឆ្នាំ២០២០ ដែលស្មើនឹងទឹកប្រាក់ប្រមាណជិត ៦២ពាន់លានដុល្លារ។ ជាមួយនឹងទឹកប្រាក់ដ៏ច្រើនសន្ធឹកសន្ធាប់នេះ រុស្សីជាប់ចំណាត់ថ្នាក់ទី៤ នៅក្នុងបញ្ជីប្រទេស ដែលមានថវិកាយោធាខ្ពស់បំផុតនៅលើពិភពលោក។ ប្រទេសនេះ បានបង្កើនថវិកាយោធារបស់ខ្លួនចំនួន ២,៥% ពីឆ្នាំ ២០១៩ ដល់ ២០២០។ ដោយឡែកបើគិតចាប់ពីឆ្នាំ ២០១១ ដល់ឆ្នាំ២០២០ ថវិកាយោធារុស្សីបានបន្តកើនឡើង ២៦%។
៥) ចក្រភពអង់គ្លេស ចំណាយអស់ជិត ៦០ពាន់លានដុល្លារ
ចក្រភពអង់គ្លេសបានចំណាយជិត៦០ពាន់លានដុល្លារ លើវិស័យយោធាកាលពីឆ្នាំ ២០២០ ដែលជាចំនួនធំបំផុតមួយដែរ នៅក្នុងតំបន់អឺរ៉ុបខាងលិច តែតួលេខនេះ មិនបានកត់ត្រាក្នុងចំណោមប្រទេសសហភាពអឺរ៉ុបនោះទេ ដោយសារអង់គ្លេសបានចាកចេញពី EU ទៅហើយ។ ការចំណាយលើយោធារបស់ចក្រភពអង់គ្លេសស្មើនឹង ២,២% នៃផលិតផលក្នុងស្រុកសរុបរបស់ខ្លួនក្នុងឆ្នាំ២០២០។ យ៉ាងណាមិញ ប្រទេសនេះត្រូវបានគេកត់ត្រាថា បានកាត់បន្ថយការចំណាយផ្នែកយោធាចំនួន ៤,២% ពីឆ្នាំ ២០១១ ដល់ ២០២០។
៦) ប្រទេស អារ៉ាប៊ី សាអូឌីត ចំណាយអស់ ៥៧ ពាន់លានដុល្លារ
ក្នុងឆ្នាំ ២០២០ អារ៉ាប៊ីសាអូឌីតជាប់ចំណាត់ថ្នាក់ទី៦ នៅក្នុងបញ្ជីប្រទេស ដែលមានថវិកាយោធាខ្ពស់បំផុតនៅលើពិភពលោក ដោយបានចំណាយអស់ជាង ៥៧ពាន់លានដុល្លារអាមេរិក ស្មើនឹង ៨,៤% នៃផលិតផលក្នុងស្រុកសរុបរបស់ខ្លួន។ ប៉ុន្តែខុសប្លែកពីប្រទេសដទៃ ចាប់ពីឆ្នាំ ២០១៩ ដល់ឆ្នាំ ២០២០ ប្រទេសអារ៉ាប៊ី សាអូឌីត បានកាត់បន្ថយលើចំណាយយោធាចំនួន ១០% ដែលបណ្តាលឱ្យប្រទេសនេះរំកិលខ្លួនចុះពីតំណែងប្រទេស ចំណាយលើយោធាធំជាងគេលំដាប់ទី៥ នៅក្នុងបញ្ជីកាលពីឆ្នាំ២០១៩។
៧) ប្រទេសអាល្លឺម៉ង់ ចំណាយអស់ជិត ៥៣ពាន់លានដុល្លារ
ប្រទេសអាល្លឺម៉ង់ គឺជាប្រទេសដែលមានការចំណាយច្រើនជាងគេ នៅក្នុងចំណោមប្រទេសសហភាពអឺរ៉ុប ទាក់ទងនឹងការចំណាយលើវិស័យយោធានៅក្នុងឆ្នាំ២០២០។ អាល្លឺម៉ង់ ចំណាយ ១,៤% នៃផលិតផលក្នុងស្រុកសរុបរបស់ខ្លួនលើវិស័យយោធានៅឆ្នាំ ២០២០ ដែលស្មើនឹងទឹកប្រាក់ប្រមាណ ជិត៥៣ពាន់លានដុល្លារអាមេរិក។ ប្រទេសនេះ បានបង្កើនការចំណាយផ្នែកយោធារបស់ខ្លួនចំនួន ៥,២% ពីឆ្នាំ២០១៩ ដល់ឆ្នាំ២០២០ ហើយបើគេរាប់ចាប់ពីឆ្នាំ ២០១១មក ការចំណាយផ្នែកយោធាអាល្លឺម៉ង់បានកើនឡើងជាង២៨%។
៨) ប្រទេសបារាំង ចំណាយអស់ជិត៥២,៧ ពាន់លានដុល្លារ
ប្រទេសបារាំង គឺជាប្រទេសទី៨ នៅក្នុងបញ្ជីប្រទេសដែលមានថវិកាយោធាខ្ពស់បំផុតនៅលើពិភពលោក។ ជាមួយនឹងការចំណាយផ្នែកយោធាជិត ៥៣ពាន់លានដុល្លារ ស្មើនឹង ២,១% នៃផលិតផលក្នុងស្រុកសរុប ឬ GDP របស់ខ្លួននៅឆ្នាំ ២០២០។ ប្រទេសបារាំងបានបង្កើនថវិកាយោធារបស់ខ្លួនចំនួន ២,៩%នៅឆ្នាំ២០២០ បើប្រៀបធៀបទៅនឹងឆ្នាំថវិកាឆ្នាំ ២០១៩។ ដោយឡែក តួលេខពីឆ្នាំ ២០១១ ដល់ឆ្នាំ ២០២០ ប្រទេសនេះបានបង្កើនថវិការបស់ខ្លួនដល់ទៅ ២៨%។
៩) ប្រទេសជប៉ុន ចំណាយអស់៤៩ពាន់លានដុល្លារ
ប្រទេសជប៉ុនបានចំណាយប្រាក់ប្រមាណ ៤៩ពាន់លានដុល្លារអាមេរិក ដែលស្មើនឹង ១% នៃផលិតផលក្នុងស្រុកសរុប ឬGDP របស់ខ្លួនទៅលើថវិកាយោធា។ ការចំណាយផ្នែកយោធារបស់ជប៉ុនបានកើនឡើង ១,២% ក្នុងកំឡុងឆ្នាំ ២០១៩ដល់២០២០ ប៉ុន្តែបើគេគិតពីឆ្នាំ ២០១១ ដល់២០២០វិញ ឃើញថា ប្រទេសនេះបានបង្កើនថវិការបស់ខ្លួនតែ ២,៨% ប៉ុណ្ណោះ។
១០) សាធារណៈរដ្ឋកូរ៉េ (កូរ៉េខាងត្បូង) ចំណាយអស់ ៤៥ពាន់លានដុល្លារ
សាធារណៈរដ្ឋកូរ៉េ ឬគេអាចស្គាល់បានថា កូរ៉េខាងត្បូង ដែលជាប្រទេសនៅក្នុងតំបន់អាស៊ី ជាប់ចំណាត់ថ្នាក់ទី ១០ នៅក្នុងបញ្ជីប្រទេសដែលមានថវិកាយោធាខ្ពស់បំផុតនៅលើពិភពលោក។ ប្រទេសនេះបានបង្កើនការចំណាយផ្នែកយោធារបស់ខ្លួនចំនួន ៤១% ពីឆ្នាំ ២០១១ ដល់ឆ្នាំ ២០២០។ និយាយដោយឡែក កូរ៉េខាងត្បូងបានបង្កើនថវិកាយោធា ៤,៩% នៅឆ្នាំ ២០២០ បើប្រៀបធៀបទៅនឹងឆ្នាំ ២០១៩ ។
ដោយសារតែប្រទេសដូចជា កូរ៉េខាងត្បូងនេះបានបង្កើនការចំណាយលើវិស័យការពារជាតិរបស់ពួកគេក្រុមហ៊ុនឯកជនជាច្រើនដែលជាក្រុមហ៊ុន ឯកទេសផលិត និងអភិវឌ្ឍគ្រឿងសម្ភារៈយោធា បានកត់ត្រាពីប្រាក់ចំណេញរបស់ខ្លួនកប់ពពកផងដែរ៕
None
