ក្រុមហ៊ុនបុត្រសម្ព័ន្ធចំនួន ២ របស់ក្រុមហ៊ុនចិន Evergrande ត្រូវបានតុលាការសម្រេចអនុញ្ញាតឲ្យដាក់ពាក្យសុំក្ស័យធន

ភាគហ៊ុនរបស់ក្រុមហ៊ុនផលិតរថយន្តអគ្គិសនី China Evergrande New Energy Vehicle បានធ្លាក់ចុះ ៧% កាលពីថ្ងៃទី២៩ ខែកក្កដា ក្រោយពេលមួយថ្ងៃបន្ទាប់ពីម្ចាស់បំណុលនៅក្រុមហ៊ុនបុត្រសម្ព័ន្ធរបស់ខ្លួន គឺក្រុមហ៊ុន Evergrande New Energy Vehicle (Guangdong) និងក្រុមហ៊ុន Evergrande Smart Automotive (Guangdong) បានស្វែងរកការយល់ព្រមពីតុលាការ ដើម្បីឲ្យក្រុមហ៊ុនទាំងពីរដាក់ពាក្យសុំក្ស័យធន ហើយរៀបចំដំណើរការឡើងវិញ បន្ទាប់ពីដោះស្រាយបញ្ហានានា។

ក្រុមហ៊ុនបុត្រសម្ព័ន្ធ China Evergrande New Energy Vehicle ដែលស្ថិតក្រោមក្រុមហ៊ុនមេ China Evergrande Group កាលពីខែឧសភាបានធ្វើបច្ចុប្បន្នភាពទីផ្សារ និងបានដឹងថា អ្នកទូទាត់បំណុលរបស់ខ្លួនកំពុងពិភាក្សាជាមួយអ្នកទិញ ដ៏មានសក្តានុភាព ដើម្បីទិញយកភាគហ៊ុននៅក្នុងក្រុមហ៊ុននេះ ហើយក៏បានបង្កើនឱកាស នៃការពង្រីកខ្សែឥណទានថ្មីសម្រាប់ក្រុមហ៊ុននេះដើម្បីគាំទ្រដល់ផលិតកម្មរបស់ខ្លួនផងដែរ៕

អត្ថបទ៖ សុខ មង្គល