កម្មវិធីគោលនយោបាយប្រជាជននិងសុខភាពបន្តពូជ បានទទួលទឹកលុយជំនួយ ចំនួនប្រមាណ ២០លានដុល្លារ ខណៈដែលវិស័យសុខភាពជាមូលដ្ឋានបានទទួលចំនួន ១១លានដុល្លារ។ នេះបើយោងតាមតួលេខផ្លួវការរបស់ USAID។
ការការពារបរិស្ថានជាទូទៅ បានទទួលទឹកលុយចំនួន១០លានដុល្លារ វិស័យរដ្ឋាភិបាលនិងសង្គមស៊ីវិល ចំនួន ៨,៩លានដុល្លារ។
យោងតាមតួលេខដដែល វិស័យផ្សេងទៀតដែលបានទទួលជំនួយទាំងនោះ មានដូចជា ចំណាយប្រតិបត្តិការ (៦,៤លានដុល្លារ) កសិកម្ម (៥,៤លានដុល្លារ) ហេដ្ឋារចនាសម្ព័ន្ធនិងសេវាកម្ម (១,២លានដុល្លារ) ការបង្ការគ្រោះមហន្តរាយ (៦៤៣,០០០ ដុល្លារ) សុខភាព និងទូទៅ (៣៧,០០០ដុល្លារ)។
យោងតាម USAID, សម្រាប់ឆ្នាំ២០១៧នេះ ជំនួយអាមេរិកមានតម្លៃ ៥៩លានដុល្លារ, ឆ្នាំ២០១៦ ជំនួយមានចំនួន ៦៧លានដុល្លារ និងនៅឆ្នាំ២០១៥ ជំនួយមានចំនួន ៦៥លានដុល្លារ។ កាលពីឆ្នាំ២០១៤ ជំនួយមានតម្លៃ៨០លានដុល្លារ ៥២លានដុល្លារនៅឆ្នាំ២០១៣ និងចំនួន ៩០លានដុល្លារសម្រាប់ឆ្នាំ២០១២៕
