នៅក្នុងសេចក្តីថ្លែងការណ៍តាមអ៊ីម៉េលដែល ខេមបូណូមីស ទទួលបាន ក្រសួងការបរទេសបាននិយាយថា អ្វីដែលយើងអាចនិយាយបាននៅពេលនេះ គឺថា ក្រសួងការបរទេសបានទទួលការជូនដំណឹងពីក្រសួងសន្តិសុខមាតុភូមិ ដោយយោងតាមមាត្រា ២៤៣d នៃច្បាប់អន្តោប្រវេសន៍និងសញ្ជាតិទាក់ទងនឹងប្រទេសចំនួនបួន ដែលបានបដិសេធមិនព្រមទទួលយក ឬពន្យារពេលនៃការវិលត្រឡប់របស់ជនជាតិរបស់ខ្លួន។
សេចក្តីថ្លែងការណ៍បានបន្តថា ៖ «នៅពេលយើងទទួលបានការជូនដំណឹងបែបនេះ ច្បាប់តម្រូវឲ្យផ្អាកការចេញទិដ្ឋាការ»។
សហរដ្ឋអាមេរិកនឹងអនុវត្តដំណើរការស្តង់ដារដើម្បីអនុវត្តការផ្អាកទិដ្ឋាការនេះឲ្យបានឆាប់រហ័សតាមរបៀបអ្វី ដែលលោករដ្ឋមន្រ្តីក្រសួងសម្រេចយល់ថា សមស្របបំផុតដើម្បីសម្រេចគោលដៅដែលចង់បាន»។
ថ្មីៗនេះ សារព័ត៌មានពិភពលោក CNN ចុះផ្សាយពីការទណ្ឌកម្មទិដ្ឋាការរបស់រដ្ឋាភិបាលអាមេរិក ទៅលើប្រទេស ៤ រួមទាំងកម្ពុជា។
តើអ្នកបានអានអត្ថបទនេះ ឬនៅ?
យោងតាមសេចក្តីថ្លែងការណ៍ដដែល នីតិវិធីនេះរួមបញ្ចូលទាំងការពិភាក្សាផ្ទៃក្នុងនិងការជូនដំណឹងជាផ្លូវការទៅកាន់ប្រទេសដែលរងផលប៉ះពាល់ពីទណ្ឌកម្មនេះ។ «នៅពេលយើងបានបញ្ចប់ដំណើរការនេះ ព័ត៌មាននឹងអាចរកបានអំពីលក្ខខណ្ឌនៃការព្យួរទិដ្ឋាការ»។
ការផ្អាកទិដ្ឋាការអាចរាប់បញ្ចូលប្រភេទអ្នកដាក់ពាក្យសុំទិដ្ឋាការដែលកំណត់ដោយក្រសួងដោយផ្អែកមូលដ្ឋានតាមប្រទេសនីមួយៗ។
ប្រតិបត្តិការកុងស៊ុលនៅស្ថានទូត ឬស្ថានកុងស៊ុលនានារបស់សហរដ្ឋអាមេរិកនឹងនៅបន្តដដែល ហើយការដាក់កំហិតទិដ្ឋាការនេះមិនប៉ះពាល់ដល់សេវាកុងស៊ុលដទៃទៀតដែលបានផ្តល់ជូនរួចហើយ រួមទាំងការវិនិច្ឆ័យពីបុគ្គលដែលដាក់ពាក្យដែលមិនស្ថិតក្នុងការគ្របដណ្តប់នៃការពិន័យនេះ។
យោងតាមរបាយការណ៍ព័ត៌មានអន្តរជាតិ ប្រទេស៣ទៀតដែលស្ថិតនៅក្នុងបំរាមនេះ មានដូចជា អេរីទ្រៀ ហ្គីនៀ និង សៀរ៉ាលីអូន៕
None
