ប្រទេស ៤ ដែលត្រូវអាមេរិកដាក់ទណ្ឌកម្មទិដ្ឋាការ រួមមាន អេរីទ្រា, ហ្គីនៀ, សៀរ៉ា លីអូន និង កម្ពុជា។ នេះបើតាមការចុះផ្សាយរបស់សារព័ត៌មានពិភពលោក CNN។
CNN ដកស្រង់ប្រភពពីក្រសួងសន្តិសុខក្នុងស្រុករបស់អាមេរិក មកចុះផ្សាយថា មូលហេតុដែលអាមេរិកសម្រេចដាក់ទណ្ឌកម្មទិដ្ឋាការលើប្រទេសទាំង៤នេះ គឺដោយសារប្រទេសទាំងនេះមិនព្រមទទួលយកពលរដ្ឋរបស់ខ្លួន ដែលអាមេរិកបានរកឃើញថាមានទោស និងនិរទេសចេញពីអាមេរិក។
តើអ្នកបានអានអត្ថបទនេះ ឬនៅ?
ទណ្ឌកម្មទិដ្ឋាការនេះ មានន័យថា ពលរដ្ឋនៃប្រទេសទាំង៤ខាងលើ នឹងប្រឈមការរឹតបន្តឹងផ្នែកទិដ្ឋាការ ដែលអាចនឹងរារាំងពួកគេមិនឲ្យអាចចូលទឹកដីអាមេរិកបាន។
ដំណើរការនៃការដាក់ទណ្ឌកម្មទិដ្ឋាការនេះ ចាប់ផ្ដើមកាលពីសប្ដាហ៍មុន នៅក្នុងលិខិតមួយដែលក្រសួងសន្តិសុខក្នុងស្រុក ផ្ញើទៅឲ្យក្រសួងការបរទេស ហើយអ្វីៗត្រូវសម្រេចលើក្រសួងការបរទេស ទាក់ទិននឹងវិសាលភាពនៃការរឹតត្បិតទិដ្ឋាការ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
